Estau Aragonés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre l'actual partiu independentista Estau aragonés fundau en l'año 1933 en a epoca da Segunda Republica.

Estau Aragonés
Sinyal d'Estau Aragonés
Datos chenerals
Presidenta	Liena Palacios Rasal
Periodo	2006
Establiu	{{{establiu}}}
Desaparición	{{{desaparición}}}
Seu	Enate, Uesca
Ideolochía	Independentismo aragonés
Colors	Amariello
Ambito politico
Estau	Espanya
País	Aragón
Comunidat autonoma	{{{ccaa}}}
Rechión	{{{rechión}}}
Coalición de	{{{coalición}}}
Afillatura europea	{{{europa}}}
Afillatura internacional	{{{internacional}}}
Partiu politico	{{{partiu}}}
Chovenalla	Os Almugabars
Web
Web	www.estauaragones.com

Antigo logo d'o partiu.

Estau Aragonés (en castellano Estado Aragonés, en catalán Estat Aragonès) ye un partiu politico independentista aragonés y socialista, creyato en l'anyo 2006, inspirato en l'antigo Estado Aragonés de 1933, por una colla d'emigrants aragoneses en Barcelona que procedeban de o Ligallo d'Emigración de CHA en Catalunya, y que heban conoixito a José Aced, zaguero militant vivo de l'antigo partiu homonimo. Asinas, qui heba estau lo president d'ixe Ligallo ye l'actual portavoz d' Estau Aragonés.

Os suyos ideals son aconseguir a independencia d'Aragón y a emancipación d'a clase obrera aragonesa.

O prencipal obchectivo d'Estau Aragonés ye arroclar a toz os partidarios d'a sobiranía d'Aragón en una sola plataforma, ta lo que participó en a fundación d'o Bloque Independentista de Cuchas (BIC) en 2007, chunto con Puyalón de Cuchas, Chobenalla Aragonesista y A Enrestida. Pero istos tres colectivos decidioron forachitar a Estau Aragonés d'o BIC en 2008.

Astral-Mozardalla d'Estau Aragonés estió a suya organización politica chovenil dica febrero de 2009 en que s'esvinculó d'o partiu.

Ta las eleccions europeas de 2009, Estau Aragonés, chunto con Tierra Aragonesa, prebó de fer una coalición con atras collas clamata Republicas Sobiranas d'Europa, que no consiguió los refirmes amenistatos de cargos publicos, tanimientres que Astral refirmó, chunto a la resta de o BIC, a candidatura Iniciativa Internacionalista - Solidaridad entre los Pueblos, que tampoco no consiguió representación.

Lo 20 d'aviento de 2009 y a Cincomarzada de 2010, Estau Aragonés y Tierra Aragonesa facioron actos conchuntos, pero alcordoron presentar-sen por separau en as eleccions de 2011.

Estau Aragonés se presentó t'as eleccions municipals de Zaragoza ta mayo de 2015, obtenendo 457 votos, lo 0'14% de o total. En a suya Asamblea de setiembre, decidió no presentar-se t'as eleccions chenerals d'aviento de 2015 y tampoco no recomendar o voto ta denguna.

Dende 2016, Estado Aragonés ha endrezau una estratechia t'arroclar a toz os aragonesistas en una sola plataforma electoral, que denomina "Compleganza".

Asinas, demandó lo voto ta PYLN en as eleccions chenerals d'abril de 2019, y encara que no se plegó en un alcuerdo con CHA ta las eleccions autonomicas de 2019, varios militans de CHA participoron en "Aragonesistas del Moncayo", plataforma electoral impulsada por Estado Aragonés en a comarca de Tarazona y Moncayo, que obtuvo un concellero en Trasmoz.

Estau Aragonés tornó a presentar-se a las eleccions municipals de Zaragoza de 2019, repetindo los resultaus de 2015.

En a suya "Asamblea" de 2020, Estau Aragonés reformó as suyas "Ordinacions", pasando a organizar-se como una federación de comarcas, y nombró como presidenta a Liena Palacios Rasal.

En as Eleccions Autonomicas de 2023 alcordó con Chunta Aragonesista refirmar as suyas listas electorals, participando los suyos militans en as mismas como independiens.

Vinclos externos

• Pachina web oficial d'Estau Aragonés.
• Pachina web oficial de RSE.

• Datos: Q3571479