A Enrestida

De Biquipedia
Logo d'A Enrestida
Variant d'estrelada que emplega A Enrestida

A Enrestida (AE) ye un colectivo independentista aragonés que fa parte d'o Bloque Independentista de Cuchas y que fue establito en l'anyo 2003. Iste colectivo independentista conta con una seu social (a mas viella d'ista mena) do gosa d'achuntar-se a suya asamblea independentista semanalment y a on que se fan toda mena d'actividaz (charradas, exposicions, etc.)..[1]

Antiparti, en o centro social, bi ye a "Biblioteca Frida Kahlo", a on que un se i puez amanar y leyer u deixar diferents libros.[2]

A Enrestida, ye uno d'os principals colectivos independentistas d'Aragon, treballando activament a ran social y empentando a cultura aragonesa.

S'autodeclara, antimás d'independentista, antifaixista, antiracista, antihomofoba y antisexista.

Dimpués de cuasi 13 anyadas de treballo, o colectivo A Enrestida decidió en 2016 de fer fusión con as choventuz rebeldes aragonesistas de Purna. A partir d'ixe anyo a seu social d'o callizo Sant Cristobal de Zaragoza pasaría a estar chestionau por o colectivo Purna.

Dende alavez o centro social pasaría a clamar-se Casal Choven A Enrestida. En l'actualidat ye uno d'os puntos de referencia d'a choventut sobiranista aragonesa y puesto de trobada pa una ripa d'actividaz.

Referencias[editar | modificar o codigo]

Vinclos externos[editar | modificar o codigo]