Febrero

De Biquipedia
Ir ta: navego, busca
Chi - Febrero - Mar
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29
Calandario d'escaicimientos

O mes de febrero ye o segundo mes de l'anyo en o calandario gregorián, y tien 28 días, encara que en os ditos anyos bisiestos en tien 29. O suyo nombre en latín, februarius, fa referencia a que yera un mes adedicato a las februa, unas fiestas de purificación a on se feban sacrificios a los muertos; d'o nombre d'ixas fiestas en deriva o nombre d'o dios Februus d'a mitolochía romana, dios que yera tamién relacionato con ixas actividatz purificativas. Mesmo que o mes de chinero, o mes de febrero no existiba en o primitivo calandario román, y l'adhibiron, seguntes se diz, quan en o sieglo VIII aC o rei Numa Pompilio fació a suya reforma d'o calandario, transformando-lo d'un calandario de base lunar en un calandario de base solar. En ixas envueltas teneba ya 28 días, pero quan Chulio César establió o dito calandario chulián, pasó a tener-ne 29 (y 30 en os anyos bisiestos), estando tamién o zaguer mes de l'anyo, que en ixas envueltas prencipiaba en marzo. En a reforma que fació César Augusto d'o calandario chulián o mes de febrero perdió un día, pasando asinas a tener a suya configuración actual.