Enerchía eolica
De Biquipedia
A enerchía eolica (d'o latín aeolicus, pertenexient u relatibo á Eolus, dios d'os aires en a mitolochía griega e por tanto, pertenexient u relatibo á l'aire) ye a enerchía produzita por l'aire. O primer usos d'a capazidat enerchetica de l'aire estió a nabegazión á bela, á on se feba serbir ta empentar os barcos echipzianos, fenizios e más entabán os romans. L'aire tamién s'ha feito serbir dende tiempos antigos ta mober as aspas d'os molins.
En l'autualidat s'utiliza á más ta mober aerocheneradors que son molins que mueben un chenerador que produz enerchia eletrica. Iste tipo de cheneradors s'ha popularizato rapidament en considerar-se una fuent limpia d'enerchía. Os parques eolicos son as conzentrazions d'aerocheneradors.
[editar] Enerchía eolica en Aragón
Aragón ye un d'os prenzipals produtors d'enerchía eolica d'o Estato español, segundo estato produtor d'enerchía eolica d'o mundo. A produzión en l'año 2005 estió de bels 1.413 MW[1] d'enerchía. A importanzia d'a enerchía eolica en Aragón se debe á que en bels puestos d'o país a belozidat meyana anual de l'aire gosa estar de 21.6 km/h.
O primer zentro esperimental se instaló en Candasnos en 1980 e o primer parque eolico estió La Muela en 1987. En l'año 2006 ya yeran 1.652 en tot Aragón distribuyitos en 60 parques eolicos por as tres probinzias
Os prenzipals parques eolicos d'Aragón por produzión d'enerchía son[2]:
|
|
|
|
|---|---|---|
| P.E. San Cristobal | Aguilón, Billanueba de la Uerba | 50.000 |
| P.E. San Agustín | Almochuel, Azaila | 50.000 |
| P.E. San Martín | Belchit, Almochuel, Binazeit | 50.000 |
| P.E. Virgen de la Corona | Almudébar, Chimiellas, Uesca | 49.500 |
| P.E. La Almada | Albero d'Alto, Argabieso, Nobals | 49.500 |
| P.E. La Foradada | Ilche, Peralta d'Alcofeya | 49.500 |
| P.E. Tardienta I | Tardienta | 49.500 |
| P.E. Val Tomás | Peralta d'Alcofeya | 49.500 |
| P.E. Virgen de Astón | Alcalá de Gurrea, Almudébar | 49.500 |
| P.E. Sierra Costera I | Cañada Bellida, Riello, Fuens Caliens | 49.500 |
| P.E. La Carracha | La Muela | 49.500 |
| P.E. Atalaya (unif.) | Pedrola, Luzeni | 49.500 |
| P.E. El Bayo | Pedrola, Luzeni | 49.500 |
| P.E. Plana de Jarreta | La Muela | 49.500 |
| P.E. Plana de Artajona | Tauste, Torres de Berrellén | 49.500 |
| P.E. Belchite | Belchit | 49.500 |
| P.E. Galochas Llanas | Exaulín, Mezalocha, Muel | 49.500 |
| P.E. La Serreta | Plasenzia de Xalón, Rueda de Xalón | 49.500 |
| P.E. San Isidro | Perdiguera | 49.500 |
