El Ribagorzano

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Esta pachina tracta sobre el periodico El Ribagorzano. Ta atros usos de «ribagorzano», se veiga Ribagorzano (desambigación).

El Ribagorzano
Información cheneral
Periodicidat	Quincenal
País	Aragón
Distribución	Provincia de Uesca
Seu	Graus
Fundación	1904
Fundador	Marcelino Gambón Plana
Fin de publicación	1924
Carácter	Cheneralista
Ideolochía	Recheneracionista
Idioma	Castellano

El Ribagorzano é el títol d'un periodico historico d'Aragón fundau po'l periodista Marcelino Gambón en Graus (Ribagorza) en setiembre de 1904. El periodico va rematar zarrand en setiembre de 1924 con un numero especial sobre la suya fundación y vint ans d'existencia^[1]. Desde alavez, ha séu re-fundau en tres ocasions y ha anau cambiand el suyo ideario,^[1] dica la suya edición actual a cargo de l'Asociación Lliga Ribagorzana desde 1997.

Pensau inicialment ta que tenise ambito local y periodicidat anyal, tot publicand-se en septiembre en coincidind con las Fiestas patronals de Graus, el primer numero va tenir una repercusión molto mes grant de cóme s'esperaba porque va anar a parar a las manos de Joaquín Costa, que se va veyer agradau, cualland ben lluego con las suyas ideyas, y va fer uso de la suya influencia ta dar-ne treslau, lo que va conducir decisivament a ampliar la suya periodicidat a quincenal y distribución a tota la provincia.^[1]

Comienzo

Marcelino Gambón yera periodista local que feba de corresponsal en Graus ta bels periodicos aragoneses, come el Diario de Avisos de Zaragoza y el Diario de Huesca. En 1893 va prebar la suerte con un ensayo de periodico propio, a'l cual va dir «La Gaceta de Graus».^[1] El periodico no va pasar d'aquel primer eixemplar.^[1]

El 13 de setiembre de 1904^[1] (día sigüent de la patrona de Graus) va sacar el primer numero d'El Ribagorzano. El numero inaugural se va vender a-escape, y dau l'exito que heba teniu, Joaquín Costa, que chusto heba arribau a la villa a'l dia d'abans, el va leyer y le'n va dar treslau personalment a los atros medios aragoneses.

Este exito inicial va animar firmement a Gambón, que va cambiar el plan que teniba expresau en el primer numero (alavez, le'n deciban «prospectos» y conteniban lo que heba de venir en els numeros de dimpués), y se va lanzar a espubllicar-lo quincenalment.^[1] L'aval inicial de Costa va fer que, por moltos puestos en la provincia, en els anyos que seguirían a'l Ribagorzano le'n disen (popularment) «La Gaceta de Costa».^[1] En estas primeras anyadas, el periodico s'editaba con el sub-títol de «Órgano de la Liga de Contribuyentes de Ribagorza».

En estes primers anyos, el Ribagorzano presentaba una tendencia recheneracionista, molto amanada de las ideyas de Costa, y el formato yera de 4 pachinas.^[1] La tirada quincenal va durar dica 1906^[1], cuan va pasar a editar-se cada diez días, y desde setiembre de 1907 dica la zaguer edición en setiembre de 1924 tornaría a estar quincenal.^[1]

La demanda en els primers anyos va estar altisma, guardand-se rechistro de recllamacions a'l servicio de Correos por eixemplars que no heban arribau a'l destino. El zaguer an d'edición correspondería con el primero de la Dictadura de Primo de Rivera, y el periodico va haber de superar numbrosos problemas legals y ideolochicos que rematarían fend-lo cayer en 1924.^[1]

Ans 1980

Dimpués d'el Franquismo, la segunda y mes llarga dictadura d'el Siglo XX en Espanya, y moltos ans dimpués de la muerte de Gambón, El Ribagorzano va ser tornau a la vida por l'ara desapareixida Asociación de Amigos de Sobrarbe y Ribagorza en marzo de 1981. El sub-títol d'esta epoca é «Nuestra Voz», y se repartiba por los llugars de las dos comarcas d'el cantón nord-este de la Comunidat a none i viviban suscriptors: Mediano, l'Aínsa, Benás, Graus, Benavarre, etc.

En esta etapa, El Ribagorzano adopta una ideolochía mes humanista, de recuperación d'els valors d'izquierda dimpués de la Dictadura. Se va presentar el primer numero con el titular «Hoy más que nunca debemos apurar nuestras gargantas para manifestar nuestro ineludible deseo de libertad. Una Libertad que tanto cuesta conseguir, y que una fatídica noche de febrero nos quisieron arrebatar por la fuerza de la sinrazón, con la fuerza de las armas.» en allusión a'l 23-F, escaixiu pocos días antes que amaneixese el numero.^[1]

En els anyos que serguirían, dica 1985, se i tractarían temas d'actualidat comarcal y tamién autonomica y nacional. A-soben, serviría de medio de protesta contra el Gubierno, els incumplimientos reiteraus de las Administracions con ixas comarcas mes remotas, l'estau d'as carreteras en el territorio y la falta d'una buena connexión con Tierra Plana (encara faltaban anyos ta la inauguración de l'A-148 que une l'Aínsa con Balbastro y, especialment en Sobrarbe, la comunicación con els Semontanos s'heba de fer remontand la tortuosa carretereta de l'Alto d'el Pino). Reportaches sobre monumentos y Patrimonio historico, ciclos festivos, romerías, costumbres y folklore de las dos comarcas van veyer la luz, por primer vegada, en El Ribagorzano.^[1] La principal ideya perseguida por l'Asociación con la publicación yera la de fer dispertar la conciencia comarcal d'els habitants d'estas valls.

En estes ans amaneixen els primers articlos sobre llinguistica, explorada especialment desde el canto ribagorzano. Els primers estudios sobre la muga llingüistica entre el catalán y l'aragonés feits por estudiosos locals van ser presentaus en El Ribagorzano en estes principios d'els 80. «Límites Aragón/Cataluña» yera una sección fixa de la publicación.

Las seccions permanents mentres tot el periodo van ser: «Primeras Páginas», «Editorial», «Nuestras Gentes, Nuestros Pueblos» y «Límites Aragón/Cataluña».^[1]. El formato yera encara de 4 pachinas, come en la edición orichinal. El zaguer numero va sallir el mes de diciembre de 1985, con un titular de dispedida y una memorable fotografía de la torre d'el castiello de Fantova a'l tarde, con el sol ponend-se por dezaga.^[1]

Reedición por la Lliga Ribagorzana

La tercer etapa d'El Ribagorzano va comenzar en 1997 de la mano de l'Asociación Lliga Ribagorzana y, por ixo, puede recuperar el sub-títol de «Órgano de la Liga Ribagorzana» (cllucadeta a las orichens de la publicación). En esta nova etapa, se vei un cambio important con respecto a las anteriors: la linia editorial no ye tan humanista, y s'albandona los valors d'izquierda y de reivindicación identitaria de la etapa anterior. 12 anyadas d'inactividat heban mediau entre la una y l'atra.

Ara la tematica é costumbrista^[1], y sirve de difusión a textos en «llengua ribagorzana» (tanto catalán come aragonés) seguntes las tesis de l'asociación, y bels atros en castellano, pero sempre con un enfoque localista y folklorico, anone los pespuntes de reivindicación identitaria no tenen una verdadera profundidat.

En 2012, coincidind con el relevo d'el Dr. Salamero por José Miguel Biel a la dirección d'el periodico,^[2] se va anunciar una re-estructuración de la linia editorial de la publicación, con l'obchectivo de fer-la mes atractiva a los chóvens y que tinga una mayor interactividat con el suyo publico.^[2]