Moravia
Moravia ye una rechión natural y historica d'a Republica Checa que corresponde en gran mesura a una depresión drenata por o río Morava, afluent d'o Danubio que trescruza a rechión de norte a sud enta a cuenca Panonica. Moravia ye situata a l'este de Bohemia, a lo sud de Silesia, a lo norueste d'Eslovaquia y a lo norte d'a Baixa Austria. A suya superficie ye de 22.349 km². A ciudat més important ye Brno.
Población por etnias y nacionalidatz [editar]
A mayor part d'a población d'a población son eslavos autoctonos moravos, que se consideran ellos mesmos u checos u un pueblo eslavo diverent. Bi ha moravos con orichen vlaco (ya eslavizatos), en a rechión de Valašsko u Vlaquia Morava mugando con Eslovaquia. Tamién bi ha inmigrants eslovacos. Os alemans y chodigos axkenazís quedoron muit reducitos en numero con enchaquia d'a segunda Guerra Mundial y a postguerra.
Historia [editar]
Moravia estió o nuclio d'un d'os primers estatos eslavos (Moravia la Gran), desfeito en l'anyo 906 poco dimpués d'a invasión d'os Hongaros en a Cuenca Panonica. Dende ixe inte os eslavos moravos han tenito un paper més marguinal en a historia, y han seguito una trachectoria pareixita u común a la d'os eslavos habitadors de Bohemia u checos.
Veyer tamién [editar]
Territorios historicos d'a Republica Checa  |
|
|---|---|
  Bohemia Moravia Silesia    |
