Capra aegagrus hircus
 |
Este articlo ye escrito con un estilo, grafía, u solucions idiomaticas (no dialectals) que no se fan guaire con o contenito cheneral de Biquipedia, y per ixo un usuario capable el ye adotato esprés ta adobar-le ixas formas y reformular-lo, y la fayena de revisión se troba encara en proceso. Ye posible que, per ixo, bi haiga lagunas de contenito u deficiencias de formato. Per favor, d'antes que no te metas á fer-ie correccions mayors u reescrituras, contacta con ell en a suya pachina d'usuario u la pachina de descusión de l'articlo ta poder-ne coordinar a redacción. Per ixe motivo, tampoco no ye guaire recomendable que, en estando l'articlo en fase de reforma, en prengas garra espresión u solución lexica ta enriquir o tuyo vocabulario personal, u que las reproduzcas en altras pachinas de Biquipedia. |
| Capra aegragrus hircus | ||||||||||||||||||
 Craba (Capra aegagrus hircus) |
||||||||||||||||||
|
|
||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||
|
|
||||||||||||||||||
|
||||||||||||||||||
|
|
||||||||||||||||||
| Capra hircus | ||||||||||||||||||
| Linnaeus, 1758 | ||||||||||||||||||
|
|
||||||||||||||||||
| Capra aegagrus hircus | ||||||||||||||||||
A craba u crapa (Capra aegagrus hircus (L., 1758)) tamién dita cabra, ye un animal mamifero domestico, herbivoro y remugant, d'a familia d'es bovidos (subfamilia d'es caprins).
Actualment se considera que ra lraba estiore un d'es primers animals en ser domesticato, aproximadament fa bellas 8000 anyadas.
[editar] Caracteristicas
Ye un animal domestico de mida chica, con cuernos arquiatos, prou més áchil que no las suyas familiars as uellas, que tién, relacionato con ixo, bellas adaptacions ta brincar y enfilar-se. A suya distribución actual ye practicament ubicua, trobiant-se-be eixemplars arredol d'o mundo, encara que ne bi ha més en as arias montanyencas.
Bi ha eixemplars salvaches a bells puestos d'Orient Meyo, anque huéi se tiende a pensar que ixes fuoron axopatos y n'ixoren a partir de bella variedat domestica. D'as crabas tradicionalment se'n diz que son animals dificils d'acontroliar y de garra confiar, y que asinas preban d'axopar-se només en veigan ocasión si se-lis posa ixa gana. Producto d'ixe caracter n'han chitato ditos y exprisions como "A craba si no s'ata, ent'a China remata" que encara que gosan a emplegar-se ta altras cosas, tien en l'animal a suya radiz.
As crabas se crían ta obtener-ne leit (emplegada ta fer-ne queso prencipalment), carne, piel y pelo. Bellas razas son especialment criadas ta producir pelo, como l'una d'Angora, orichinaria de Turquía (Angora estiore l'antigo nombre d'Ankara), u l'una de Caixemira.
D'es masclos d'ista especie se'n diz bucos, parola que, en peyorativo, heba dato ent'as parientas salvaches d'a craba: es bucardos. A subespecie de bucardo pirenenca estiore o camín d'intrada d'ixa parola aragonesa en a fabla castellana, especialment dimpués d'a suya trista extinción.
Es exemplars chóvens son clamatos cabretz u cabretas.
[editar] Bestiar cabruno en o mundo
En o mundo bi ha 765 millons d'eixemplars domesticos d'iste animal. Es paises prencipals que en tienen son:
China (173 millons), India (124 millons), Pakistán (53 millons), Sudán (40 millons), Bangladesh (35 millons), Nicheria (27 millons), Irán (26 millons), Indonesia (12 millons), Tanzania (12 millons) y Kenia (11 millons).
[editar] Enrastres externos
Se veigan as imáchens de Commons sobre crabas.
Biquiespecies tiene un articlo sobre a craba.- LaCabra.org, espacio de difusión d'o bestiar cabruno (en castellán).
- El ganado caprino espanyol, articlo relacionato (en castellán).
