Bucardo

De Biquipedia
Ir ta: navego, busca
Bucardo
bucardo
Estato de conservación
Status iucn2.3 VU.svg
Vulnerables.
Clasificación scientifica
Dominio: Eukaryota
Reino: Animalia
Filo: Chordata
Clase: Mammalia
Orden: Artiodactyla
Familia: Bovidae
Subfamilia: Caprinae
Especies

Se'n diz bucardos d'una colla d'especies de mamiferos herbivoros d'a familia d'es bovidos, subfamilia d'es caprins, y d'ixa traza parients salvaches d'a craba domestica. En cheneral, ista parola fa referencia ent'as especies es masclos d'as qualas tienen cuernos grans y destacables, y también una estructura corporal robusta. Animals d'estructuras més gracils poderían ser clamatos crabas simplement.

Bucardo ye, en orichen, una parola peyorativa (con sufixo -ardo[1]), ta ixes animals, significando cosa como "mals bucos" u "bucotz", en contraposición ent'es bucos d'a craba domestica (Capra aegagrus hircus).

En es pireneus hi heba habito una subespecie d'o bucardo iberico, concretament a Capra pyrenaica pyrenaica, que heba vivito dende Chirona enta Navarra y per ixo en contacto con es territorios de fabla aragonesa. Alabez, quan ixe animal estiore agosant-se en o cillo de la extinción, a fins d'o sieglo XX, es medios de comunicación espanyols emprenciparon a fer marchar a parola aragonesa bucardo ta designar ixa subespecie en concreto, fendo que muta chent arredol d'o país se penseba que yera o nombre común exclusivament ta clamar-ne d'ixe animal. Ista situación ha plegato a desplazar o significato regular d'a parola incluso en l'aragonés, a on "bucardo" ye, per propio, qualsiquier craba salvachina d'ixas caracteristicas descritas. Ye fácil que en tiempos d'antis, también se'n decís bucardos d'as bestias cabrunas d'altras montanyas d'Aragón, como en as sierras de Teruel, a on encara huei en bi ha y que no están pas de la variedat pirenenca extincta. Por textos notarials de l'aria de Castellot se sape que a la subespecie Capra pyrenaica hispanica, que se cazaba a sobén, li diciban Craba salvachina encara en o sieglo XV.

Es cheneros y especies que poderían ser clamatos bucardos son:

Referencias[editar | editar código]

  1. KUHN, Alwin: El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6 pp 217-218.