Crabito

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Dos crabitos.

O crabito (en as parlas con mas tendencia a conservar as sordas intervocalicas crapito) ye a cría choven d'os bovidos d'o chenero Capra, especialment o d'a craba domestica (Capra aegagrus hircus).

Ista denominación ye chenerica ta todas as edaz no adultas, y puede fer-se extensiva a toda la especie en cualques casos, pero en Aragón, rechión a on que a ganadería ovina ha estau siempre primordial, existe un vocabulario relativament amplo relacionau con as edaz y usos d'os animals, de forma que puede indicar-se bels estadíos concretos de desarrollo con termins especificos, como o caloyo u o segallo.

Etimolochía

A parola «crabito / crapito» dimana d'o latín <CAPRETTU, diminutivo de <CAPRA, «craba», y ye un d'os pocos casos en os que en aragonés a terminación latína -ETTU ha dau una terminación en -ito por cuentas d'-et. Manimenos José Antonio Saura Rami interpreta que ye una formación participial substantivada dende o latín CAPRITU

Anque en orichen haiga puesto estar un nombre diminutivo, en l'actualidat crabito s'emplega como substantivo d'uso común y no se percibe como tal, por o cual forma os suyos propios derivaus dimunutivos: «crabitet», «crabitón», etc.

Se veiga tamién

• Caloyo
• Segallo
• Buco
• Crabito primal
• Cuatremudada
• Mai (craba)
• Mardano
• Crabada
• Crabamen

Vinclos externos

• Se veigan as imáchens de Commons sobre crabitos.