Columba oenas
| Columba oenas | |
|---|---|
 |
|
| Denominacions populars | |
|
|
|
| Estato de conservación | |
 Seguro (IUCN) |
|
| Clasificación scientifica | |
|
|
Eukaryota |
|
|
Animalia |
|
|
Chordata |
|
|
Aves |
|
|
Columbiformes |
|
|
Columbidae |
|
|
Columbinae |
|
|
Columba |
|
|
C. oenas |
| Descripción | |
|
L., 1758 |
|
A sisella[1] (Columba oenas (Linnaeus, 1758)) ye una especie de paloma salvache d'o chenero Columba y a familia Columbidae, propia d'Europa y Asia.
Contenius |
[editar] Descripción
Anque fa recordar muito a os palomos domesticos, tiene o cuerpo subtilment mas fino, y con a color grisa d'o plumache uniforme, sin as dos caracteristicas faixas negras d'os palomos comuns. As alas, en volido, se veyen grisas por debaixo, a la contra de como pasa con belatras palomas que as i tienen mas claras.
Os iris d'os uellos son caracteristicament negros, sin l'aniello de color amariella u narancha que tienen os torcazos y os palomos comuns.
[editar] Hábitat
As sisellas viven en as selvas de caducifolios, a on que fan o niedo en os foratos d'árbols viellos.[2]
En Aragón ye una especie poco freqüent en l'actualidat, anque en buena cosa d'o territorio se guarda alcordanza de que enantes se cazaba. Ye una especie mas destribuida por a Europa atlantica y central, anque en ixas latitutz ye un au migradera que marcha ta'l sud en hibierno.[2]
[editar] Imáchens
-
-
-
Uevo de Columba oenas
[editar] Nombres
D'alcuerdo con o naturalista y lexicografo Rafel Vidaller, sisella ye o nombre mas freqüent y destribuido ta iste animal por a metat oriental de l'Alto Aragón, documentau en localidatz d'a Litera, o Semontano de Balbastro, a Ribagorza y o Sobrarbe por ell y por diferents autors.[1] Manimenos, en o suyo «Dizionario aragonés d'espezies animals y bechetals» no i amaneix garra referencia de que s'haiga documentau un nombre ta ista especie en garra población de l'Alto Galligo, a Chacetania nian a Plana de Uesca.[1]
Chabier Tomás documentó tamién a forma deminutiva sisalleta[1][3] en o Viello Sobrarbe, en a segunda metat d'os anyos 1990, y en l'Aves de Aragón. Atlas de especies nidificantes, expublicau por IberCaja en 1998, i amaneix unatra variant atipica, xixella,[1] anque no se'n cita la procedencia.
A novela d'Ánchel Conte O bolito d'as sisellas (Xordica, 2000), ambientada en Planiello en os anyos d'incertidumbre sobre as expropiacions ta que fesen o pantano de Chanovas, incluye una alusión metaforica a iste animal en o titol.
[editar] Referencias
- ↑ 1,0 1,1 1,2 1,3 1,4 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
- ↑ 2,0 2,1 (es) FELIX, Jîrî y TOMAN, Jan; Guía de Campo (3ª Ed.); Ediciones Susaeta. Madrid, 1999. ISBN 84-305-7413-1
- ↑ (es) TOMÁS ARIAS, Chabier. El aragonés de Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
[editar] Vinclos externos
Se veigan as imáchens de Commons sobre Columba oenas.
