Cheronimo Zurita
| Cheronimo Zurita | |
|---|---|
 |
|
| Información personal | |
| Calendata de naixencia: | 1512 |
| Puesto de naixencia: |  Zaragoza |
| Calendata de muerte: | 3 de noviembre de 1580 |
| Puesto de muerte: | Zaragoza |
| Ocupación: | Historiador |
Cheronimo Zurita y Castro (Zaragoza, 1512 - † Zaragoza, 3 de noviembre de 1580) estió un historiador aragonés.
Biografía [editar]
Naixito de Zaragoza en 1512, en Alcalá de Henares estudeó retorica, latín y griego con lo conoixito helenista Hernán Núñez. No deixó d'aprender a més bells idiomas modernos, como lo francés, lo italián, lo portugués y lo catalán.
En 1530, y gracias a la influencia de lo suyo padre Miguel de Zurita, que estió medico de Ferrando lo Catolico y Carlos I, consiguió lo puesto de machistrato de la ciudat de Balbastro y continuo de la Casa Reyal, pa, poco dimpués, ser nombrato baile de Uesca.
En 1537 lo nombroron asistent-secretaire de la Enquesición a lo servicio de lo cardenal Juan Tavera, que executaba los cargos de miembro de lo Consello d'Estato, enquisidor cheneral y arcebispe de Toledo.
En 1548 lo nombroron cronista de lo Reino d'Aragón y en 1566 Felip II lo nombra secretaire pa lo concilio de la Enquisición, y secretaire de lo suyo Consello y Cambra, delegando en él totz los afers de prou importancia como pa requerir la firma de lo rey.
Zurita saca una sinecura en Zaragoza y renuncia a los suyos anteriors cargos lo 21 de chinero de 1571, pa dedicar-se de tot a la composición de los suyos Anals de la Corona d'Aragon, con lo primer tomo amaneixendo en 1562. Vivió pa veyer lo zaguer volumen publicato en Zaragoza lo 22 d'abril de 1580. Muere lo 3 de noviembre d'ixe mesmo anyo.
Se veiga tamién [editar]
Vinclos externos [editar]
Se veigan as imáchens de Commons sobre Cheronimo Zurita.
