Bruco

De Biquipedia
Ir ta: navego, busca
Bruco de a especie Calluna vulgaris.

O bruco (d'o latín <BRUCCIU y iste d'o galo <*vroico) ye o nombre popular con o qual s'identifica a qualques especies vechetals d'a familia d'as ericacias caracterizadas por o porte arbustivo no superior a 2 metros d'altaria, follas muit menudetas y atipidas en as brancas, y una florada densa con flors chicorronas y muit numerosas, de color rosa, vrioleta u blanca.

Hábitat[editar | editar código]

Quasi todas as especies de bruco son intolerants a suelos calsineros u de Ph basico, y precisan de terrens acidos que son poco freqüents en Aragón, por o que son plantas poco abundants. I ha formacions de bruco en bells puertos de montanya en o Pireneu axial, a on que o suelo ye acido de forma excepcional, como en o macizo d'a Maladeta, en a val de Benás. Por ixe motivo, en bells puestos de l'Alto Aragón, o saber popular l'atribuye d'estar una planta propria de l'alta montanya, anque ista conclusión ye erronia porque no i creix por limitacions climaticas (a mayoría d'especies podrían creixer en una diversidat de climens muito más ampla, y de feito lo fan en belatras rechions) sino por as condicions de suelo tan particulars que precisa.

Especies[editar | editar código]

En a Peninsula Iberica son freqüents as siguients especies, que se conoix como bruco:

Pero a denominación puede fer-se extensiva a belatras especies de caracteristicas morfolochicas pareixidas, principalment en os cheneros Erica y Cassiope.

Fitonimia[editar | editar código]

En a val de Benás se documenta a forma «brueco» ta nombrar a istas plantas[1], que en o pasau bellas fuents han dau erroniament por cheneral en aragonés.

En a Sierra d'Albarrazín, o Xiloca y a Riocha a especie Calluna vulgaris recibe a denominación de biércol, denominación pareixida a brécol, que se diz en l'aragonés de Bisagorri, Renanué y en o catalán ribagorzán d'Espés, y a brócal en Castanesa y Bonansa.

Una extensión en a que predominan os brucos se diz «brucal» u «brocal».[2] Tamién se diz «bruguera» y ha dau un apelliu toponimico. Os apellius Brugalla y Brualla tamién se relacionan con iste tipo de matas.

Referencias[editar | editar código]

  1. (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
  2. (es) ALLUÉ NAVARRO, Mª Isabel y FUERTES CASAUS, Mª Pilar. Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza, 2006. ISBN 84-611-1141-9

Se veiga tamién[editar | editar código]