Baixo Mayestrato

Baixo Mayestrato Baix Maestrat
Comarca d'o País Valencián
Castiello de Peniscola.
Capital  •Municipios	Vinaroz 8
Entidat  •País  •Provincia	Comarca  País Valencián Castellón
Superficie  •Total	1.221 km²
Población  •Total  •Densidat	(2004) 72.178 hab. 18,55 hab./km²
Mapa de situación en País Valencián

O Baixo Mayestrato (Baix Maestrat en valenciano) ye una comarca d'a Castellón con capital en a ciudat de Vinaroz. A suya población ye de 72.178 habitants (2004), en una superficie de 1.221 km².

Cheografía

As actividatz tradicionals son l'agricultura de citricos, d'oliveras, carchofas y a pesca. A Carchofa de Benicarló tien denominación d'orichen.

Os platos tradicionals son: fideuà, arrossejat. Ye muito famoso o langostín de Vinaroz y o caracol punchent de Penyiscola.

A Sierra d'Irta ye o tramo de costa sin urbanizar més gran d'o País Valenciano y declarato fa poco Parque Natural.

Mugas

Fa de muga noreste con Catalunya por a comarca d'o Montsiá, y muga con Aragón por a comarca d'o Matarranya. A l'este muga con a mar Mediterrania, a lo sud muga con a Plana Alta, y a l'ueste muga con l'Alto Mayestrato y Los Puertos de Moriella.

A comarca historica

Comarca natural d'o Baixo Mayestrato seguntes Emili Beüt i Belenguer.

L'actual comarca d'o Baixo Mayestrato comprende as comarcas historicas d'a Tinenza de Benifazán y os Plans de Vinaroz, que no formaban parte d'o Baixo Mayestrato. En o Baixo Mayestrato orichinal i yeran: Albocázar y Térich (que hue son de l'Alto Mayestrato), Cuevas d'Abinromán, Sarratella, La Torre dels Domenges y Villanueva d'Alcoleya (que hue son en a Plana Alta). A comarca antiga se vei en os mapas de comarcas d'Emili Beüt "Comarques naturals del Regne de València" publicato en l'anyo 1934.