Requena-Utiel

Requena-Utiel ye una redolada castellanofablant d'o interior d'o País Balenzián, situata en a probinzia de Balenzia e con capital en Requena.

Encara que istoricament pertenexeba á la Corona de Castiella, s'encorporó á lo País Balenzián en o sieglo XIX.

Muga por o norte e por l'ueste con Castiella-La Mancha, á lo noreste con Los Serrans, á l'este con a Fueya de Buñol, á lo sur con a Bal d'Ayora.

[editar] Charrar

O charrar d'a redolada d'Enguera-Utiel se clasifica en o castellán manchego, pero bi ha adstrato aragonés e catalán, bisible en:

Casos de palatalizazión d'a L- inizial: llatir, lladre
Uso d'o berbo caler, arcaísmo castellán común con l'aragonés e catalán.
Lesico con influencia aragonesa e catalana: apañar, bajoca, baladre, corcarse, fuchina, majo, melsa, morreras, pansío, repelar, rosigar, talegazo, tío, tresnal, rondalla, pansa, ansí.
Casos de conserbazión d'a F inizial: falcar, fanfarria, femater, fuchina
Eboluzions d'a S inizial latina coinzidents con l'aragonés: choto, chulla, chiflar, zuro.
Conserbazions d'as xordas interbocalicas coinzidindo con l'aragonés e bel dialeuto mozarabe: cayata, acachar.
Partizipios adchetibalizatos fuertes, (con azentuazión en a radiz, erenzio en muitos casos d'un partizipio latín): pago, nublo, abrigo. Son arcaísmos castellans, pero nublo en concreto encara s'usa muito en Aragón tanto en castellán d'Aragón como en aragonés.
Deminutibo -ico, (arcaísmo castellán, propio d'o castellán oriental, usual en castellán d'Aragón pero que no son chenuins de l'aragonés.

Monezipios d'a redolada Requena-Utiel
Camporrobres \| Caudet \| Chera \| Fuenterrobres \| Requena \| Sinarcas \| Utiel \| Venta del Moro \| Villargordo del Cabriel