Marina Baixa

Marina Baixa
Comarca d'o País Valencián
Placha de Ponent de Benidorm
Capital  •Municipios	La Vila Joiosa 18
Entidat  •País  •Provincia	Comarca  País Valencián Alicant
Superficie  •Total	605,30 km²
Población  •Total  •Densidat	(255) 166.255 hab. 274,67 hab./km²
Mapa de situación en País Valencián

A Marina Baixa (en valencián Marina Baixa) ye una comarca valencianoparlant d'o sud d'o País Valencián, situata en a provincia d'Alicant. A suya capital tradicional ye La Vila Joiosa pero lo mayor nuclio urbán y la suya capital economica ye Benidorm.

Geografia

A Marina Baixa ye una comarca de costa, pero a la vez asabelo montanyosa. Se puet dividir en dos partes, a linia de costa y as vals interiors. Tien grans sierras y montanyas como lo Puig Campana, a Sierra d'Aitana, a Sierra Bèrnia u a Sierra de la Xortà y ríos propios como l'Amadòrio, l'Algar u o Guadalest.

Mugas

Muga a lo norte con o Condato y la Marina Alta, a l'este y a lo sud con a Mar Mediterrania, a lo sudeste con l'Alicantín y a l'ueste con l'Alcoyán.

Economia

Encara que se pueden destacar bellas industrias tradicionals d'a comarca, como son a industria d'o chicolate en la Vila Joiosa u o cultivo d'a niéspola en Callosa d'en Sarrià, l'actividat más propia d'ista comarca ye o torismo. Totz os municipios costers han tenito una gran creixita de población debita a lo gran fluxo de toristas, y tamién os municipios d'interior han frenato la perda de población debito a la plegata de nuevos habitants procedents d'o norte d'Europa. Aintro d'ista comarca se situga o enclau toristico más important de tota Espanya, la villa de Benidorm.

También se i pueden trobar numerosos parques tematicos y d'ocio, como Terra Mítica, Terra Natura u Aqualandia.