Antiga Grezia
De Biquipedia
L'Antiga Grezia, a Grezia Clasica u a Zebilizazión Elenica son os nombres con que se conoxe o periodo d'a istoria grieca, mientres d'un milenio, dica la muerte d'Alexandre lo Gran, escaizimiento que marcarba lo comenzipio d'o periodo elenistico. L'Antiga Grezia ye considerata por os istoriadors como l'alazet d'a cultura ozidental. A cultura grieca tenió una poderosa influyenzia en o Imperio Román, e en cheneral sobre tota la cultura ozidental, sobre la cuala ha influyito e continua influyendo, sobre tot en a luenga, a politica, os sistemas educatibos, a filosofía, a zenzia, l'arte e l'arquiteutura d'o mundo moderno, estimulando lo Renaximiento d'a Europa Ozidental e mientres d'o neoclasizismo en os sieglos XVIII e XIX en Europa e America.
L'Antiga Grezia u Elada ye un termín emplegato ta referir-se á lo mundo de parla grieca de l'antigüidat. Se refiere no nomás á la peninsula cheografica d'a Grezia moderna, sino tamién á totas las arias d'a cultura grieca que fuoron colonizatas por os griecos:
Chipre e as islas d'o mar Echeya, a costa d'Anatolia, Sizilia e o sur d'Italia (rechión conoxita allora como a Magna Grezia), antimás de dibersos asentamientos e colonias d'os autuals estatos d'Albania, Bulgaria, Echipto, o sur de Franzia, Libia, a costa mediterrania d'a Peninsula Iberica e Ucraína (a peninsula de Crimeya). Tamién se bi encluye o Imperio Persa d'allora, dimpués d'as conquistas d'Alexandre lo Gran.
[editar] Se beiga tamién
