Witness for the Prosecution (cinta de 1957)
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo ye sobre una cinta estausunidense de l'anyo 1957; t'atros usos, se veiga Witness for the Prosecution.
Witness for the Prosecution | |
---|---|
![]() L'actor Tyrone Power en una scena d'a cinta. | |
Ficha tecnica | |
Dirección | Billy Wilder |
Producción | Arthur Hornblow Jr. |
Guión adaptau | Larry Marcus Billy Wilder Harry Kurnitz |
Basau en | The Witness for the Prosecution, obra teatral d'Agatha Christie adaptación d'a suya propia novela The Witness for the Prosecution |
Musica | Matty Malneck |
Soniu | Gordon E. Sawyer |
Fotografía | Russell Harlan |
Montache | Daniel Mandell |
Vestuario | Edith Head |
Actors | Tyrone Power Marlene Dietrich Charles Laughton Elsa Lanchester |
Datos y cifras | |
País(es) | Estaus Unius |
Anyo | 1957 |
Chenero | Cine de chudicios Cine d'intriga |
Durada | 116 min. |
Idioma(s) | Anglés |
Companyías | |
Productora | Edward Small Productions |
Distribución | United Artists |
Presupuesto | 2 millons de dólars |
Recauto | 9 millons de dólars |
Ficha en IMDb | |
Ficha en FilmAffinity |
Witness for the Prosecution (títol en anglés, en aragonés Testimonio de l'acusación), ye una cinta estausunidense de l'anyo 1957 de cine d'intriga chudicial dirichida por Billy Wilder seguntes un guión adaptau de Larry Marcus, Billy Wilder y Harry Kurnitz (basau en The Witness for the Prosecution, una obra teatral d'Agatha Christie de 1953, adaptación d'a suya propia novela The Witness for the Prosecution de 1925). Con una dirección de fotografía de Russell Harlan y una Banda Sonora Orichinal de Matty Malneck, la cinta fue prodicida por Arthur Hornblow Jr. ta la productora Edward Small Productions y en o suyo elenco trobamos actors destacaus en os suyos papels protagonistas, como Tyrone Power, Marlene Dietrich, Charles Laughton u Elsa Lanchester.
Argumento[editar | modificar o codigo]
Sir Wilfrid Robarts ye un prestichioso advogau (ye consellero d'o rei, alto rango en a Chusticia d'o Reino Uniu) que ha teniu un infarcto de miocardio y ha estau internau en una clinica ta recuperar-se'n, dica que lo fan fuera en beber a escondidas bebidas alcoholicas y fumar-se puros. Marcha enta la suya casa, acompanyau d'una enfermera privada, Miss Plimsoll, qui ha de cosirar que sir Wilfrid cumpla con as prescipcions d'o suyo medico. En plegar en a suya casa, a on en a planta baixa tien lo suyo bufet, aparixe Mr. Brogan-Moore con Leonard Vole, que parixe que bien luego será acusau d'asasinato, sin saber que a sir Wilfrid se li ha prohibiu esfender casos complicaus. Sir Wilfrid marcha a descansar en o leito quan observa que Mr. Brogan-Moore porta en una bolchaca d'o suyo trache dos polidismos puros. Alabez torna a baixar y decide d'escuitar lo que li dicen Mr. Brogan-Moore y lo suyo client Leonard Vole. Se fuma lo puro y en zagueras lis diz que no puet ocupar-se'n, d'o caso. Alabez aparixe l'inspector chefe Hearne, qui fa preso a Vole.
Tanimientres, quan tornaba a puyar a escalera ta puyar a descansar aparixe la muller de Vole, qui resulta estar una muller muit diferent d'o que sir Wilfrid pensaba, dica lo punto que decide treballar en o caso en portando la esfensa de l'acusau. Sir Wilfrid treballa en o caso, destacando por a suya pericia en o chudicio, a on desplega todas las suyas capacidatz como advogau esfensor, bien cosirau por la suya enfermera dende la mesma sala d'o chudicio, acompanyada d'una muller que sigue con muita atención lo suyo desembolique. Sir Wilfried emplega todas las suyas artz ta esfender a l'acusau, y parixe que en zagueras podrá obtener la suya absolución, encara que tot ye encara muit indeciso. Alabez puya a declarar Christine Vole, la muller alemana de l'acusau, y lo suyo testimonio ye demoledor ta l'acusau. En ixe inte, una muller anonima vende a sir Wilfrid decumentos que pueden desmontar o testimonio de Cristina, y con ells sir Wilfrid consigue l'absolución de Leonard Vole.
Pero quan parixe que la historia ya ha rematau, contina d'una forma espectacular....
Reparto[1][editar | modificar o codigo]
Actor | Papel | Notas |
---|---|---|
Tyrone Power | Leonard Vole, l'acusau | |
Marlene Dietrich | Christine Vole/Helm, l'esposa de l'acusau | |
Charles Laughton | Sir Wilfrid Robarts, consellero d'o rei y advogau prencipal de l'acusau | |
Elsa Lanchester | Miss Plimsoll, l'enfermera privada de sir Wilfrid | |
John Williams | Mr. Brogan-Moore, advogau adchunto de l'acusau | |
Henry Daniell | Solicitor de Vole que instruye a sir Wlfrid sobre lo caso | |
Ian Wolfe | H. A. Carter, secretario prencipal y cherent de l'oficina de sir Wilfrid | |
Torin Thatcher | Mr. Myers, consellero d'o rei y astricto d'a Corona | |
Norma Varden | Mrs. Emily Jane French, l'anciana asasinada | |
Una O'Connor | Janet McKenzie, gubernanta d'a Sra. French y testimonio de cargo | |
Francis Compton | Mr. Justice Wainwright, o chuez | |
Philip Tonge | Inspector chefe Hearne, qui fa preso a l'acusau | |
Ruta Lee | Diana, muller choven que sigue lo chudicio, en esperando que liberen a l'acusau | |
Patrick Aherne | Oficial d'a Cort de Chusticia | No acreditau |
Eddie Baker | Spectador en a Sala de Chusticia | No acreditau |
Marjorie Eaton | Miss O'Brien | No acreditada |
Franklyn Farnum | Un viello advogau | No acreditau |
Bess Flowers | Spectadora en a Sala de Chusticia | No acreditada |
Colin Kenny | Churau | No acreditau |
Ottola Nesmith | Miss Johnson | No acreditada |
J. Pat O'Malley | O vendedor de pantalons curtos | No acreditau |
Jack Raine | Medico de sir Wilfrid | No acreditau |
Ben Wright | Secretario d'a Cort | No acreditau |
Premios[editar | modificar o codigo]
Referencias[editar | modificar o codigo]
- ↑ * (en) Witness for the Prosecution en Internet Movie Database.
- ↑ (en) Ganadors y nominaus d'os Premios Oscar 1958 en a pachina web de l'Academia d'as Artes y as Sciencias Cinematograficas de Hollywood.
- ↑ (en) Ganadors y nominaus d'os Premios BAFTA 1959 en a pachina web de l'Academia Britanica d'as Artes d'o Cine y d'a Televisión.
Vinclos externos[editar | modificar o codigo]
Se veigan as imáchens de Commons sobre Witness for the Prosecution.
- (en) Witness for the Prosecution en Internet Movie Database.
- (en) Witness for the Prosecution en Rotten Tomatoes.
- (en) Witness for the Prosecution en l' American Film Institute Catalog de l'American Film Institute.
- (en) Witness for the Prosecution en Internet Broadway Database.
- (en) Witness for the Prosecution en TCM Movie Database.
- (en) Witness for the Prosecution en Internet Movie Database.
- (en) Witness for the Prosecution en AllMovie.
- (en) / (es) Witness for the Prosecution en FilmAffinity.
- Cintas por títol
- Cintas de 1957
- Cintas d'Estaus Unius
- Cintas de cine d'intriga
- Cintas de cine de chudicios
- Cintas en anglés
- Cintas dirichidas por Billy Wilder
- Cintas interpretadas por Tyrone Power
- Cintas interpretadas por Marlene Dietrich
- Cintas interpretadas por Charles Laughton
- Cintas interpretadas por Elsa Lanchester