Wikipedia:Biquiprochecto:Grafía/Grafía B/Equus grevyi

De Biquipedia
Ir a la navegación Ir a la búsqueda
U Barrata.PNG Iste articlo ye escrito con una grafía alternativa experimental propuesta por bells biquipedistas aintro d'o Biquiprochecto:Grafía. Puet veyer-se a versión escrita con as normas de l'Academia aquí.
Zebra de Grevy
Zebra de Grevy
Equus grevyi.
Estato de conservación
Status iucn2.3 EN.svg
En periglo.
Clasificación scientifica
Dominio: Eukaryota
Reino: Animalia
Filo: Chordata
Clase: Mammalia
Orden: Perissodactyla
Familia: Equidae
Chenero: ''Equus''
Especie: ''E. grevyi''
Nomenclatura binominal
Equus grevyi
Oustalet, 1882
Equus grevyi.png
Dêstribucion de la Equus grevyi en Africa.

A cebra ó zebra de Grevy (Equus grevyi (Oustalet, 1882)) ye una zebra en grëu recesion d'o centro-este d'Africa. Ya la más gran de totas as zebras e ha muitas rayas verticals que son muito juntas, más que no en as altras espécies, e tammien as orellas grans e redondas que la fan reconeixible quan la se veye. Anque ye de plano más gran e más fuerte que no la zebra d'as planas, ye más dêficil d'entrenar-la.

Una carateristica social d'a zebra de Grevy ye que por contra de como fan as altras espécies de zebras, os mastos d'ésta no forman hariens. A suya estratégia ye tomar o control d'una pieça de terreno e mirar de côbrir-be cualsiquier fembra que trascruce por o suyo territorio.

Dêstribucion[editar código]

Lo tamanyo d'esta zebra e las suyas colors la fan inconfundible.

As zebras de Grevy habitan o norte de Kénia, d'as leras d'o río Tana dica l'este d'o laco Turkana. Solament que existe n'esta partê d'o norte de Kénia e n'una partê más d'Etiopia, a on que se cobexan sólo que bellos millars d'exemplars. A zebra de Grevy ocupa lo nichol d'entre meyo d'a zebra comun (más dependedera de l'augua) e los someros salvages (d'ambients más xutos). Abita en as planas d'o centro d'Africa, on que bi troba yerba e tallas anque sean xutas pa jentar-se. En a naturaleça, s'asocia en rebanyos con as zebras comuns, rebanyos en os cuals siempre predominan as Grevys. Se conoxe que a tamas d'a suya convivéncia las dos espécies no s'hibridan en o medio natural.

Comportamiento[editar código]

De diya ó de nueit, la zebra de Grevy ha un comportamiento social de raso diferent d'a zebra comun. A suya sociabilidat ye semilar, anque sindembargo la zebra de Grevy ye territorial e forma grupos ubiertos, sin de cohesion. A la contra que la zebra comun, l'aseyo reciproco no lo han muito orminoso. A junidat basica d'a suya sociedat ye una fembra con o suyo potro, ó con os suyos dos ó tres potros más jovens. Estas familias son combinadas en grupos de 2 a 10 fembras con os suyos jovens, anque son poco duraderas e se disgregan facilment. Os grupos tammien pueden êncluyir altras espécies de zebras, como las comuns, e encluso espécies d'antilopes. Mientres a sequera, os grupos solen êncluyir muitos más exemplars, con rebanyos mixtos de 100 ó 200 exemplars, que a ormino bríncan ta os 450 animals. Los rebanyos migran juntos ta buscar-se mellor pastura anque dempués se dispersan pa no fer-se estorbo quando falta la hierba.

Las fembras siempre migran por a sequera, os mastos en os anyos buenos se fincan pa aguardar-las.

Os mastos adultos son solitarios e territorials. Generalment, han territorios d'uns 6 km2, as güegas d'os cuals solen a concedir con accidents topograficos como la lera d'un arrueyo ó semilar. Os bartos marcan os lêmites d'os suyos dominios con orina e pilas de bonya, antimás d'haver o costumbre de fer-se notar a preséncia fêsica con o suyo grito, contrácia d'o rêlinco d'o somero e lo ronque d'o hipopotamo. A ormino, e sê las condicions d'augua e alimento son adequatas, os mastos más territorials pueden permanexer encluso en os suyos territorios mientres tot l'anyo, sin de juntar-se con as migracions con as cuals sólo marcharian as fembras, que las pueden aguardar que en tornaran con o tempero de criar. Os mastos territorials tammien socialiçan en as güegas d'os suyos territórios por mano de tot un ligallo de rituals, e ocasionalment con peleyas eventuals en as cuals as béstias se pretan os cuellos e muesellan o suyo alversário e se sueltan firmes calces.

Vinclos externos[editar código]

Biquiespezies
Se veiga la informacion de Viquiespécies sobre Equus grevyi.