Viscum album
| Visca | ||||||||||||||||
 Visca (Viscum album). |
||||||||||||||||
|
|
||||||||||||||||
|---|---|---|---|---|---|---|---|---|---|---|---|---|---|---|---|---|
|
||||||||||||||||
|
|
||||||||||||||||
| Viscum album | ||||||||||||||||
| Linnaeus, 1758 | ||||||||||||||||
A visca (f.), visco (m.) u vizco (m.) (Viscum album (L.)) ye una planta parasita de la familia de las santalacias que vibve en l'alto d'es árbols y d'es arbustos sucando-ne la sapia. Ye orichinaria d'Europa y de l'ueste y o sud d'Asia, encara que s'introdució en America d'o Norte (California en 1900 y Columbia Britanica en 1988).
Tien flors masculinas y femeninas diferenziadas, de color amariella. As suyas fruitas son lulos verdes quan son chovens, mientres que prenen una color més blanquinyosa en madurar en zaguerías de l'agüerro. No son comestibles.
Es trallos creixen dende alto enta abaxo, y son buedos per l'interior y segmentatos per nyudos con bellas pugas arredol, dividindo-se dende a suya base de forma dicotomica. As fuellas son lanceolatas, crasas y carnosas.
As suyas simients son esparcitas per es muixons y libran quan detectan que han sito depuestas en l'alto d'una branca d'árbol con es excrementos de l'animal. Por un regular parasita especies d'árbols de fuella caduca, anque bellas subespecies son se son especializadas en colonizar pins u abetz.
Ista planta tien propiedatz medecinals per un prencipio activo clamau viscotoxina. Tamién se li atribuyiban propiedatz machicas en a tradición celta relacionadas con a fertilidat y l'amor. Dica l'actualidat mos n'ha plegau la tradición de fer-se un beso quan s'está debaixo d'una d'as suyas matas.
