Cort

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre as corz ta o ganau. Ta atros usos de «cort» se veiga Cort (desambigación), y ta «corral» se veiga Corral (desambigación).

Una cort.

Una cort (pronunciau /'kor/) u una corral ye una construcción de muros de piedra ta zarrar-ie o ganau de forma provisional. Se fa en o mont, en puestos a on que convenga amallatar a os animals de forma esporadica, u en as inmediacions d'una mallata. Ocasionalment puede contar tamién con bel estallo que l'acompanya.

A palabra corral, en iste sentiu, se fa servir en femenino, y se reserva o masculino ta o corral que ye anexo a una casa u edificio adintro de poblau.

Etimolochía

A palabra cort dimana d'o latín <COHORTE, que ye como se deciba a un puesto con cualques huertos chuntos (de huerto. lat. <HORTU). Puede estar que a denominación s'haiga aplicau a os recintos ta o ganau de forma indirecta, por os muros que la rodeyan.

Brian Mott, en o suyo diccionario etimolochico de o chistabino, proposa a siguient secuencia evolutiva ta la palabra: HORTE > COHORTE > CORTE > cort.

En muitos puestos de l'Alto Aragón se documenta o emplego d'a palabra con una -e en posición final: corte. Isto podría estar una muestra de castellanización, sobre tot en puestos en os que en l'actualidat se fabla castellano sobre un fuerte substrato aragonés, como Sarinyena, Mora de Rubielos u Albarracín, en os que se documenta. En belatros, como en as vals de Bielsa, ixa -e final podría estar etimolochica y conservar-se porque en as suyas fablas ye normal a conservación d'ista vocal en as voces d'herencio latino que en lievan, como s'observa en termins vernaclos como «valle».

Imáchens

• 
  Enrunas d'una cort con estallos (cuadras) propios, en Bichuesca (Zaragoza).
• 
• 
• 

Se veiga tamién

• Corral
• Mallata
• Estallo (edificio)
• Cuadra
  • Estallo
  • Zolle

Vinclos excternos

• Se veigan as imáchens de Commons sobre corz.

• Datos: Q858177
• Multimedia: Pens (enclosures) / Q858177