Zolle

Una zolle^[1]^{[nota 1]} (d'o latín <*SUILE^[2], relativo a <SUS, «tocín») u azolle^[1] ye una división a dintro d'una cuadra, con muros u cletas que no puyan si que enta meya altaria, formando una corral chiqueta, en a que se i deseparan un numero minguau d'animals. Anque puede emplegar-se ta designar estructuras d'iste tipo que se faigan ta deseparar altras especies domesticas (como crabitos u corders) a parola zolle s'emplega mas que mas ta nombrar o compartimento en o que clasicament se crían os tocins.

As zolles, especialment as que s'emplegan ta tener-ie as fembras de cría, tienen a sobén talladeras de dimensions redueitas (por as que no i cabría un adulto) que las comunican con as zolles vecinas. Tradicionalment, isto serviba ta deseparar os latons en privando d'os eventuals rampazos de canibalismo por partes d'os adultos que de cabo ta cuan se gosan producir en istes animals.