Tuca d'Ixalenques

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tuca d'Ixalenques Tuca de Salenques
Situación
Situación	Muga entre Benás y Montanui (Uesca)
Latitut	42°37'46,91"N
Lonchitut	0°41'10,27"E
Vértiz cheodesico
Cheografía
Cordelera	Pireneu axial
Sierra
Macizo
Altaria	2.994 m
Alpinismo
Primera puyada
Ruta mas fácil	Dende La Besurta
Mapa

A tuca d'Ixalenques (en castellano Tuca de Salenques) ye una tuca de 2.994 m d'altaria que se troba en a cabecera d'a val d'Ixalenques chunto a o macizo de la Maladeta, provincia de Uesca (Aragón).

Administrativament ye en a muga entre Benás y Montanui.

Toponimia

Iste toponimo procede tanto en aragonés benasqués (Ixalenques) como en catalán ribagorzano (Salenques) d'un tipo de plantas que son especialment abundants en a vall d'Ixalenques, as ixalencas. A ixalenca («sarguera» en aragonés cheneral, salenca en catalán) ye un tipo d'arbusto d'as riberas, muit frecuent en os ríos d'o Pireneu, que tien os trallos resistents encara que muit flexibles, y por ixo d'antes s'emplegaban pa ligar os trancos d'as navatas que heban de baixar por os ríos.

A parola ixalenca viene d'una forma hipotetica *SALENCA en latín y amuestra a misma evolución fonetica que ixaringa, ixufre, ixarrallón y ixoriguer, a on a S- inicial d'o latín ha evolucionau ta una x-. Se piensa que a terminación -enca fa de sufixo igual como en albenca.^[1] A parola salenca se documenta tamién en catalán y en occitán (bi ha una carrera en Tolosa que se diz Carrièra de las Salencas en occitán y Rue des Salengues en francés).