Tirol

	Tirol; Tirolo
	País d'Europa
Bandera	Escudo
Entidat; • Estato	País; Austria; Italia
Capital	Meran (historica)
Ciudat mas poblada	Innsbruck
Subdivisions	Tirol d'o Norte; Tirol de l'Este; Tirol d'o Sud; Trentino
Idioma oficial ; • Luenga propia	Alemán y italiano ; Bavaro y ladino
Superficie; • Total	; 26.259,68 km²
Población; • Total	; 1.774.692 hab. ;
Chentilicio	Tiroles/a (en alemán tiroler)
	; Tirol d'o Norte y de l'Este en Austria Tirol d'o Sud y Trentino en Italia

Iste articlo tracta sobre rechión alpina d'o Tirol. Ta atros emplegos, se veiga Tirol (desambigación).

O Tirol (en italiano Tirolo) ye una rechión alpina trilingüe (alemán, italiano y ladino) d'Europa, actualment dividida entre Austria (Tirol d'o Norte y de l'Este, en o estau federau de Tirol) y Italia (Tirol d'o Sud y Trentino), que constituyen a Provincia autonoma de Bozen y a Provincia autonoma de Trento.

A rechión constituyó lo condau de Tirol perteneixient a l'Imperio Austrohongaro dica 1918, en que fue dividida entre Austria y Italia por o tractau de Saint-Germain-en-Laye, posteriorment ratificau en l'Alcuerdo De Gasperi-Gruber de 1946.

Actualment a rechión ye reorganizada en a Eurorrechión Tirol–Tirol d'o Sud–Trentino, con una oficina de representación, a dita Tirol-Büro u Ufficio del Tirolo, en Bruselas, con a fin d'amillorar a posición politica d'a rechión en a Unión Europea.

Cheografía

O Tirol se troba situau en bel meyo d'os Alpes.

As tucas mas altas d'a rechión son:

Ortler (3.905 m) en Italia.
Königspitze (3.851 m) en Italia.
Großglockner (3.798 m) en Austria.
Monte Cevedale (3.769 m) en Italia.
Wildspitze (3.768 m) en Austria.

A rechión de Tirol muga a lo norte con Bavera, a l'ueste con Vorarlberg y lo cantón d'os Grisons, a lo sud-ueste con Lombardía, a lo sud y sud-este con o Veneto y a l'este con Salzburgo y Carintia.