The Wonderful Country (cinta)
- Iste articlo ye sobre una cinta de western estausunidense de 1959; ta atros usos, se veiga The Wonderful Country.
The Wonderful Country (títol orichinal en anglés, en aragonés O país marabilloso, enguerada en Aragón con o títol en castellano de Mas allá del río Grande, en aragonés Dillá d'o río Grande) ye una cinta de cine estausunidense de cine de western de l'anyo 1959 dirichida por Robert Parrish seguntes un guión adaptau por Walter Bernstein y Robert Ardrey (basau en The Wonderful Country, una novela que heba publicau Tom Lea l'anyo 1952), con una banda sonora orichinal d'Alex North, una dirección de fotografía de Floyd Crosby y Alex Phillips y una producción cinematografica de Chester Erskine ta la productora cinematografica D.R.M. Productions. L'elenco d'a cinta ye formau por, entre d'atros actors, Robert Mitchum, Julie London, Gary Merrill, Pedro Armendáriz, Albert Dekker, Jack Oakie, Charles McGraw, Satchel Paige, Anthony Caruso, Mike Kellin, Víctor Manuel Mendoza, Jay Novello, John Banner, Max Slaten y Chuck Roberson.
Martin Brady ye un estausunidense que treballa como pistolero en Mexico ta los chirmans Castro. Un d'ells, Marcos, ye un cheneral bien ambicioso y l'atro, Cipriano, ye lo nuevo gubernador de l'estau y ye muito mas diplomatico. Ninvían a Martin en os Estaus Unius ta mercar-ie armas y municions, pero cuan ya las ha mercau, Martin se creba una garra y mientres que ye recuperando-se, roban o carro con as armas y municions. O comandant militar d'o lugar, o comandant Colton, deseya convencer a Martin ta que a la vegada convenza a los chirmans Castro ta que colaboren con l'exercito estausunidense en una expedición contra los apaches en o suyo escondrillo en Mexico. A la vegada, o capitán Brady, d'os Texas Rangers, conoix lo motivo d'a presencia de Martin en Mexico: heba matau a un hombre, pero lo que tamién sabe y no sabe Martin ye que a qui mató yera un delincuent buscau y no ye asinas culpable de cosa. Tamién s'escayece que Martin siente atracción por a muller d'o Capitán Brady, qui ye manifiestament infeliz en o suyo matrimonio. Tanimientres, cuan un hombre asasina a Ludwig, un alemán con qui Martin yera alochau, iste lo mata y torna en Mexico. Cuan conta a Cipriano Castro que li han robau as armas, iste li desiche que, ta saldar a deuda, mate a su chirmano Marcos, porque tien medrana de que Marcos lo mate a él ta ocupar o suyo cargo. Pero cuan Martin se niega, se veye obligau a fuyir tamién. En a suya fuyida troba a la expedición estausunidense que ha dentrau en territorio mexicano y s'adhibe a la mesma, en busca d'as armas robadas y d'os apaches.
A cinta s'ambienta en bel momento indeterminau d'a segunda metat d'o sieglo XIX en Texas y Mexico, y las suyas escenas se filmoron en o estau de Durango, en San Miguel de Allende en Guanajuato, en Bavispe en Sonora y en Hidalgo del Parral y Nuevo Casas Grandes en Chihuahua, estando todos istos lugars situaus en Mexico.[2]
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]
- Cintas por títol
- Cintas de 1959
- Cintas ambientadas en Mexico
- Cintas ambientadas en Texas
- Cintas ambientadas en o sieglo XIX
- Cintas con banda sonora orichinal d'Alex North
- Cintas con dirección de fotografía de Floyd Crosby
- Cintas con dirección de fotografía d'Alex Phillips
- Cintas con guión de Robert Ardrey
- Cintas con guión de Walter Bernstein
- Cintas con montache de Michael Luciano
- Cintas de western
- Cintas d'Estaus Unius
- Cintas dirichidas por Robert Parrish
- Cintas en alemán
- Cintas en anglés
- Cintas en castellano
- Cintas interpretadas por Albert Dekker
- Cintas interpretadas por Anthony Caruso
- Cintas interpretadas por Charles McGraw
- Cintas interpretadas por Chuck Roberson
- Cintas interpretadas por Gary Merrill
- Cintas interpretadas por Jack Oakie
- Cintas interpretadas por Jay Novello
- Cintas interpretadas por John Banner
- Cintas interpretadas por Julie London
- Cintas interpretadas por Max Slaten
- Cintas interpretadas por Mike Kellin
- Cintas interpretadas por Pedro Armendáriz
- Cintas interpretadas por Robert Mitchum
- Cintas interpretadas por Satchel Paige
- Cintas interpretadas por Víctor Manuel Mendoza
- Cintas producidas por Chester Erskine
- Cintas rodadas en Bavispe
- Cintas rodadas en o estau de Durango
- Cintas rodadas en Hidalgo del Parral
- Cintas rodadas en Nuevo Casas Grandes
- Cintas rodadas en San Miguel de Allende