The Exorcist

Iste articlo ye sobre una cinta estausunidense de cine de terror de 1973; ta la novela en a cuala se basa, se veiga The Exorcist (novela).

The Exorcist
Títol	The Exorcist
Póster d'a cinta, obra de Bill Gold.
Ficha tecnica
Dirección	William Friedkin
Dirección artistica	John Robert Lloyd
Producción	William Peter Blatty
Disenyo de producción	Bill Malley Gene Rudolf
Guión adaptau	William Peter Blatty
Basau en	The Exorcist, novela de William Peter Blatty (1971)
Musica	Jack Nitzsche
Fotografía	Owen Roizman
Montache	Evan A. Lottman Norman Gay Bud S. Smith
Escenografía	Jerry Wunderlich
Vestuario	Joseph Fretwell III
Maquillache	Dick Smith Robert Laden
Peluquería	William A. Farley
Efectos especials	Marcel Vercoutere Rick Baker
Casting	Louis DiGiaimo Nessa Hyams Juliet Taylor
Actors	Ellen Burstyn Max von Sydow Lee J. Cobb Kitty Winn Jack MacGowran Jason Miller Linda Blair William O'Malley Barton Heyman Peter Masterson Rudolf Schündler Gina Petrushka Robert Symonds Arthur Storch Thomas Bermingham Vasiliki Maliaros Titos Vandis
Color	Metrocolor Panavision
Datos y cifras
País(es)	Estaus Unius
Anyo	1973
Debantadera	26 d'aviento de 1973 Estaus Unius
Chenero(s)	Cine de terror
Durada	122 min.
Idioma(s)	Anglés Arabe Latín Griego Alemán Kurdo
Companyías
Productora(s)	Hoya Productions
Distribución	Warner Bros.
Estudio(s)	Warner Brothers Burbank Studios
Presupuesto	12 millons de dólars
Recauto	441,3 millons de dólars
Informacions en bases de datos especializadas:

The Exorcist (títol orichinal en anglés, en aragonés L'exorcista, enguerada en Aragón con o suyo títol traduciu enta lo castellano como El exorcista) ye una cinta de cine estausunidense de cine de terror de l'anyo 1973 dirichida por William Friedkin seguntes un guión adaptau por William Peter Blatty (basau en The Exorcist, una novela publicada por él mesmo en 1971), con una banda sonora orichinal de Jack Nitzsche, una dirección de fotografía d'Owen Roizman y una producción cinematografica de William Peter Blatty ta la productora cinematografica Hoya Productions. Fan parte de l'elenco d'actors d'a cinta Ellen Burstyn, Max von Sydow, Lee J. Cobb, Kitty Winn, Jack MacGowran, Jason Miller, Linda Blair, William O'Malley, Barton Heyman, Peter Masterson, Rudolf Schündler, Gina Petrushka, Robert Symonds, Arthur Storch, Thomas Bermingham, Vasiliki Maliaros y Titos Vandis, entre d'atros.

Lankester Merrin ye un mosén y arqueologo que colabora en as excavacions arqueolochicas en l'antiga ciudat d'Hatra (en l'actual provincia de Ninawa en Iraq). Mientres os treballos en o lugar troba un talismán con una figura con alas que li provoca preocupación. Simultaniament, en Washington, DC l'actriz Chris MacNeil ye la protagonista d'una cinta dirichida por o suyo amigo Burke Dennings, y l'actriz ha logau una casa con servicio incluyiu ta vivir-ie con su filla Regan, de 12 anyadas. D'atra man, Damien Karras ye un mosén y psiquiatra asesor d'a Universidat de Georgetown, en Washinhton, y ye de visita en casa de su mai en Nueva York, confesando a un amigo que tien una crisi de fe. Mosén Dyer, amigo de Chris, partecipa en una fiesta a on explica lo papel de Karras como consellero d'a Universidat y explica tamién que su mai ha feneixiu. Bien luego Regan amanixe pixorrotiando en bel meyo d'a fiesta, aparentment malauta y cuan Chris preba d'encamar-la, lo suyo leito tiembla violentament. Regan cambia la suya personalidat, tornando-se violenta y los medicos no troban garra explicación medica. Chris troba la casa vueda, excepto Regan, aparentment dormida, pero lo cuerpo d'o suyo amigo Burke Dennings ye baixo la finestra d'a cambra de Regan, que ye ubierta. Finalment, Chris decide demanar ayuda a un relichioso, que no ye atro que mosén Karras, qui constata que Regan ye poseída por o Diaple y fa los preparativos ta un exorcismo, aduyau por un atro mosén con experiencia en ixe campo.

A cinta s'ambienta en a suya epoca actual (1973) en a provincia de Ninawa en Iraq y en Nueva York y Washington, DC en os Estaus Unius, y las suyas escenas se filmoron en Mosul y atros puestos d'a provincia de Ninawa en Iraq y en localizacions en Washington, DC y Nueva York en os Estaus Unius, amás d'en os Warner Brothers Burbank Studios en Burbank en California.

Se tracta d'una cinta que ha recibiu cuantos premios y nominacions, entre los cuals se pueden destacar dos Premios Oscar (Millor Guión Adaptau y Millor Soniu, amás de ueito nominacions (Millor Cinta, Millor Director, Millor Actriz, Millor Actor Segundario, Millor Actriz Segundaria, Millor Disenyo de Producción, Millor Fotografía y Millor Montache en a suya 46^ena edición y cuatre Premios Globos d'Oro (Millor Cinta Dramatica, Millor Actriz Segundaria, Millor Director y Millor Guión) y tres nominacions (Millor Actriz Dramatica, Millor Actor Segundario y Millor Estrela Emerchent Femenina) en a suya 31^ena edición.

Elenco

Actor	Papel	Notas
[[]]	'

Se veiga tamién

• Cine en 1973.
• Cintas de 1973.

Vinclos externos

• Se veigan as imáchens de Commons sobre The Exorcist.
• (en) Pachina web oficial d'a cinta.
• (en) The Exorcist en Filmsite.org.