Trifolium

De Biquipedia
(Reendrezau dende Tefla)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Trifolium
Follamen de Trifolium repens
Denominacions populars
Teflas, treflas, trefolio, trefollo
Clasificación cientifica
Eukaryota
Plantae
Magnoliophyta
Magnoliopsida
Rosidae
Fabales
Fabaceae
Faboideae
Trifolieae
Trifolium
Descripción
Trifolium
L., 1753
Distribución cheografica
Distribución de Trifolium.

As teflas u treflas (d'o latín <TRIFOLIA; cientificament o chenero Trifolium) son un chenero de plantas fabacias de port herbacio caracterizadas por que no tienen tallos aerio y por as suyas fuellas composadas con 3 foliolos.

Se'n troba especies en as latituz subtropicals y temperadas d'Eurasia y America, y en a francha costera d'o norte d'Africa. En o continent africano tamién i ha especies propias de climas tropicals. En total, i ha mas de 300 especies descritas en o chenero.

Descripción[editar | modificar o codigo]

Son hierbas baixas, de durada anyal, bianyal u perén de pocos anyos de vida, con fuellas composadas de tres foliolos. Espontaniament en amaneix eixemplars que en pueden tener un numero dispar, con 4, 5 u dica 7 foliolos.

As fuellas creixen en roseta, a ran de tierra, pus a planta no disposa de tallos aerios como muitas atras fabacias, y en muitas especies son fuertement fototacticas, o que significa que varian d'inclinación ta concarar-se o millor que pueden contra la luz, seguntes l'anglo en o cual les incida en cada momento d'o día.

Anque no tienen tallos, fan bulbos simples que permiten que as especies bianyals u perens sobrevivan a l'hibierno reducidas a istas estructuras soterranias de resistencia.

As flors son labiadas, d'entre 1 y 5 mm cadaguna, y amaneixen en una inflorescencia en forma d'espiga. A color pende de a especie y, bellas vegadas, tamién de l'eixemplar: en o chenero en global son predominants as flors blancas y rosadas, pero tamién en i ha amariellas, moradas y encara royas.

Imáchens[editar | modificar o codigo]

Se veiga tamién[editar | modificar o codigo]

Vinclos externos[editar | modificar o codigo]