Fototaxia

De Biquipedia
Ir ta: navego, busca
Os chirasols u carasols (chenero Helianthus) son un exemplo d'organismos con una fototaxia positiva muit evident. En iste caso, por orientar cara ta'l sol a suya inflorescencia.

A fototaxia (pronunciau /foto'taksja/, como "fototacsia") ye o movimiento u taxia que se produz en un organismo vivo en respuesta a o estímulo de a luz, tot condicionando un desplazamiento a favor d'un gradient luminoso u a modificación de a postura corporal con a finalidat d'orientar-se u orientar bella parte d'o cuerpo cara ta la luz.

A fototaxia puet estar positiva quan l'organismo se mueve a favor de a luz, u negativa quan o fa a la contra. A fototaxia positiva resulta avantallosa ta os organismos fototrofos, pus permite una exposición de a mayor parte d'o cuerpo a la luz, o que incrementa la fotosintesi.

O concepto de fototaxia s'entivoca a sobén con o de fototropismo. Mientres que o fototropismo fa referencia a un creiximiento de l'organismo u bellas partes de l'organismo en dirección ta la luz (fenomeno freqüent p. ex. en as partes aerias d'as plantas), a fototaxia se refiere a un desplazamiento de tot l'organismo (freqüent en microorganismos y en bells animals) u una reorientación de bella parte d'aquell (p. ex. as follas d'as plantas) a favor d'a luz. Partes que, en tot caso, ya existiban antes que s'emprendese o movimiento fototactico.

Se veiga tamién[editar | editar código]