Mariano Coronas Cabrero
| Mariano Coronas Cabrero | |
|---|---|
| Información personal | |
| Calendata de naixencia | 1954 |
| Puesto de naixencia |  A Buerda (Sobrarbe, Aragón)
|
| Ocupación | Mayestro, escritor y editor d'a Revista El Gurrión |
Mariano Coronas Cabrero (A Buerda (Sobrarbe), chulio de 1954[1]) ye un mayestro d'educación primaria[1] chubilau,[2] pedagogo, bibliotecario,[1] escritor y editor aragonés.
Dende 1980 edita a revista trimestral El Gurrión,[1][2] con más de 150 numeros publicaus dica l'inte.[3]
Biografía[editar | modificar o codigo]
Comenzó a treballar de mayestro de primaria en 1974 en a escuela de Boltanya.[3] A l'anyo siguient se'n fue ta l'Aínsa, pero le pilló o servicio militar. Quan en tornó, s'incorporó de mayestro interino en a escuela de Tamarite. En 1977 marcha por treslau ta Canovelles (provincia de Barcelona) aon exercerá de mayestro en os siguients quatro cursos.[3] En setiembre de 1981 dentra en a escuela publica Miguel Servet de Fraga pa comenzar o curso, y ye en ixe colechio aon que ha treballau dica que se i chubiló en verano de 2014.[3]
Persona inquieta y docente vocacional, fizo parte en o Movimiento de Renovación Pedagochica «Aula Libre», en o qual yera o coordinador de publicacions.[1] Tamién ha estau miembro d'a chunta directiva d'o Centro d'Estudios de Sobrarbe (CES) dende que se fundó en 1994 dica 2016.[3]
As bibliotecas[editar | modificar o codigo]
Mariano Coronas participó en que se metese a funcionar a biblioteca escolar d'o Miguel Servet de Fraga, en o curso 1987-88,[3] y tamién ha estau encargau y curador principal d'a biblioteca municipal d'a Buerda dende que se metió en servicio.[1] Ha estau coordinador de cursos a distancia sobre bibliotecas escolars[3] y ha espublicau sobre iste tema pa otros formadors.
Gran enamorau d'os libros, d'os que diz que le sedución dende chicorrón,[1] siempre ha mirau de compartir y divulgar l'amor por a lectura y a escritura entre os suyos alumnos y personas cercanas.
En ista dirección: http://servetbiblio.blogspot.com/ se pueden trovar más de 400 post relacionaus con a biblioteca escolar, escritos por Mariano durante una miajeta más de una cinquena d´años.
El Gurrión[editar | modificar o codigo]
Mariano Coronas ye l'artífiz de a revista cultural El Gurrión, que se fundó en 1980 y s'ha feto sin falta dende alavetz por cada trimestre. A revista ye cultural y etnolochica, y anque en primeras se feba pa la localidat de a Buerda, con os anyos tiene suscriptors d'un ambito que va más t'allá que lo comarcal. S'edita a traviés de l'Asociación Cultural "El Gurrión".
En l'anyo 2008 a revista recibió o premio Félix de Azara[4] de a Diputación Provincial de Uesca, en a modalidat de Medios de comunicación social.[4]
En o mes de noviembre de 2020, El Gurrión plegó ta o lumero 161, justo cuan feba 40 añadas de o suyo nacimiento. “40 años soltando gurriones” (1980-2020)
Premios[3][editar | modificar o codigo]
- 2001: Premio «FLA-Cultural», en a Feria d'o Libro Aragonés de Monzón por o treballo feto con El Gurrión.
- 2004: Mención Honorifica en os Premios Nacionales de Innovación Educativa, compartida con o equipo d'o Seminario Biblioteca y Literatura Infantil.
- 2005: Cruz de José de Calasanz a o merito educativo, por o Gubierno d'Aragón.
- 2006: Cinquena posición en o certamen Altoaragoneses del Año 2005, sección cultura, que nombra o Diario del Alto Aragón, por a candidatura de l'Asociación Cultural "El Gurrión".[4]
- 2006: Primer Premio Nacional de Buenas Practicas para la Dinamización e Innovación de Bibliotecas Escolares, a la biblioteca escolar del CEIP MIguel Servet de Fraga.
- 2008: Primer premio "Félix de Azara", sección Medios de Comunicación Social, por a revista El Gurrión.
- 2012: Primer premio "Félix de Azara", sección escolar, a la biblioteca escolar d'o CEIP Miguel Servet de Fraga.
Referencias[editar | modificar o codigo]
- ↑ 1,0 1,1 1,2 1,3 1,4 1,5 1,6 (es) Mariano Coronas, consultada o 17 de marzo de 2019.
- ↑ 2,0 2,1 (es) Cazarabet conversa con... Mariano Coronas, consultada o 17 de marzo de 2019.
- ↑ 3,0 3,1 3,2 3,3 3,4 3,5 3,6 3,7 (es) Algunos apuntes sobre el currículo; consultada o 17 de marzo de 2019.
- ↑ 4,0 4,1 4,2 (es) www.elgurrion.com; consultau o 17 de marzo de 2019.
Vinclos externos[editar | modificar o codigo]
- (es) La cadiera de Macoca, web feita por Mariano Coronas.
- (es) Gurrión.blogia.com, blog personal de Mariano Coronas.