Streptopelia

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Streptopelia
Tordoleta
Tordoleta Streptopelia decaocto
Denominacions populars
Tordolas, tortolas, tordoletas, rolletas
Clasificación scientifica
Eukaryota
Animalia
Chordata
Aves
Columbiformes
Columbidae
Subfamilia:
Columbinae
Streptopelia
Descripción
Streptopelia
Bonaparte, 1855

As tordoletas[1] (deminutivo de tordola) u rolletas (/ru'λetas/~/ro'λetas/; scientificament Streptopelia) son un chenero d'aus Columbiformes en a familia Columbidae.

O chenero comprende bella quincena d'especies que habitan en Europa, Asia y Africa. En Africa ye a on en i ha mas diversidat d'especies.

Caracteristicas[editar | modificar o codigo]

As tordolas son palomas de mida chicorrona, que no superan os 30 cm de largaria,[2] con o plumache de colors suaus en tonos de marrón, anaranchadas u dica rosadas, con unas marcas negras en o cuello que les fan como un collar incompleto por a foyeta y a parte de dezaga y que pueden seguir un patrón variau de disenyo que pende de a especie.

Son monogamas vitalicias, o que gosa querer dicir que mantienen a mesma parella toda la vida. Por ixe motivo, en a cultura occidental se les ha vinclau con os sentimientos d'amor y romanticismo.

A suya voz ye mas monotona que no o tulido d'as suyas parients d'o chenero Columba, consistindo en una sola silaba prolargada ("cu-uú") que eventualment puede recordar a o son d'os coculos. Quan emiten sonius, se diz que as tordolas «rulan» u «arrulan», a diferencia d'as palomas que se diz que «tulan».

Referencias[editar | modificar o codigo]

  1. (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
  2. (es) FELIX, Jîrî y TOMAN, Jan; Guía de Campo (3ª Ed.); Ediciones Susaeta. Madrid, 1999. ISBN 84-305-7413-1

Entrastres externos[editar | modificar o codigo]

Biquiespecies
Se veiga a información de Biquiespecies sobre Streptopelia.