Stagecoach (cinta de 1939)
- Iste articlo ye sobre una cinta de western estausunidense de l'anyo 1939; ta atros usos, se veiga Stagecoach.
.jpg)
Stagecoach (títol orichinal en anglés, en aragonés Dilichencia, enguerada en Aragón con o títol en castellano de La diligencia, A dilichencia en aragonés) ye una cinta de western de cine estausunidense de l'anyo 1939 dirichida por John Ford seguntes un guión adaptau de Dudley Nichols, basau en o relato The Stage to Lordsburg, publicau en 1937 en a revista Collier's por Ernest Haycox. Producida por Walter Wanger ta la suya productora Walter Wanger Productions, la dirección de fotografía d'a cinta ye obra de Bert Glennon y la suya Banda Sonora Orichinal ye un treballo colectivo de Richard Hageman, Franke Harling, Louis Gruenberg, John Leipold, Leo Shuken, Gerard Carbonara (no acreditau) y Stephen Pasternacki (no acreditau). Os principals actors d'a cinta son Claire Trevor, John Wayne, Andy Devine, John Carradine, Thomas Mitchell, Louise Platt, George Bancroft, Donald Meek, Berton Churchill y Tim Holt.
Ista cinta encara que ye un western adopta la estructura narrativa propia d'una road movie en un momento en que ixa estructura yera cuasi desconoixida en o cine de Hollywood.[2] Antiparte, emplega recursos visuals poco conoixius u desconoixius de raso en ixas envueltas, como l'emplego d'una camara instalada dencima d'a dilichencia.[2]
Argumento
[editar | modificar o codigo]En un lugarón de l'estau d'Arizona en Estaus Unius mientres os anyos 1880 una Liga por as buenas costumbres y la decencia fa fuera d'o lugar a Dallas, una prostituta, en metendo-la por a fuerza en a dilichencia que marcha enta Lordsburg, en l'estau vecín de Nuevo Mexico, chunto con un medico cacudo, lo doctor Josiah Boone, a qui tamién quieren fer fuera d'o lugar. Os atros viachers d'a dilichencia son Lucy Mallory, la muller d'un capitán de caballería, qui ye embarazada y marcha ta reunir-se con o suyo mariu; Ellsworth Gatewood, un banquero que diz que marcha ta tractar d'un negocio; Hatfield, un antigo soldau de l'exercito confederau mientres a Guerra civil estausunidense, chugador y pistolero y antigo amigo d'a familia Mallory; y Samuel Peacock, un comerciant d'alcol.
Cuan la dilichencia marcha, plega la noticia de que han curtau o telegrafo, pero que antis de curtar-lo han plegau dos noticias: Gerónimo con os suyos apaches ye fendo una incursión por a redolada, y Ringo Kid s'ha fugau d'a garchola y tamién se troba en a redolada. Alavez, lo sheriff Curly Wilcox, que ye amigo de Ringo y sabe que en realidat ye inocent d'o crimen por o cual l'han condenau, decide unir-se a la dilichencia como vichilant. Un chicot grupo de soldaus s'adhiben como escolta ta prevenir un ataque d'os indios.
Bien luego la dilichencia troba a Ringo, que tamién marcha enta Lordsburg en estar en ixe puesto los chirmans Plummers, responsables d'a muerte d'o suyo pai y d'o suyo chirmán, y qui ha churau vengar-se'n. Mientres o viache, augmenta mica en mica la tensión entre los pasachers y, antiparte, amanixe una atracción amorosa entre Dallas y Ringo, con os indios arredolando lo viache.
Producción
[editar | modificar o codigo]John Ford yera conscient que a finals d'os anyos 1930 lo western yera un chenero en decadencia, pero decidió de mercar por 2.500 dólars os dreitos d'adaptación d'o relato orichinal,[2] y finalment trobó financiación ta la realización d'a cinta en o productor independient Walter Wanger, encara que li costó de convencer-lo.[2]
En primeras yera previsto que los actors protagonistas d'a cinta estasen Gary Cooper y Marlene Dietrich, pero lo director John Ford prefirió d'esleyir a John Wayne y Claire Trevor.[3] Dica l'inte, John Wayne no heba interpretau so que a-saber-los western de serie B, estando iste lo suyo primer gran papel y lo papel con que inició la suya carrera. Claire Trevor yera alavez una actriz que no heba teniu pas guaire suerte en as suyas interpretacions.[2] Ta interpretar a los amerindios que amanixen en a cinta, contractoron a 300 indios navajos d'una reserva india amanada, encara que heban d'interpretar a indios apaches.[3]
O rodache d'a cinta s'escaició en o escenario natural de Monument Valley, en l'estau d'Arizona.[2]
Elenco[4]
[editar | modificar o codigo]| Actor | Papel | Notas |
|---|---|---|
| Claire Trevor | Dallas | |
| John Wayne | Ringo Kid | |
| Andy Devine | Buck | |
| John Carradine | Hatfield | |
| Thomas Mitchell | Doctor Josiah Boone | |
| Louise Platt | Mrs. Lucy Mallory | |
| George Bancroft | Marshal Curley Wilcox | |
| Donald Meek | Samuel Peacock | |
| Berton Churchill | Ellsworth Henry Gatewood | |
| Tim Holt | Tenient Blanchard | |
| Tom Tyler | Luke Plummer | |
| Dorothy Appleby | Mesacha en o saloon | No acreditada |
| Frank Baker | No acreditau | |
| Chefe John Big Tree | Explorador indio | No acreditau |
| Ted Billings | Papel menor | No acreditau |
| Wiggie Blowne | Papel menor | No acreditau |
| Danny Borzage | No acreditau | |
| Ed Brady | Propietario d'o saloon de Lordsburg | No acreditau |
| Fritzi Brunette | Papel menor | No acreditau |
| Yakima Canutt | Explorador d'a caballería / Indio atacant d'a dilichencia | No acreditau |
| Nora Cecil | Casera de Boone | No acreditada |
| Steve Clemente | Papel menor | No acreditau |
| Bill Cody | Ranchero | No acreditau |
| Jack Curtis | Cambrero | No acreditau |
| Marga Ann Deighton | Mrs. Pickett | No acreditada |
| Patricia Doyle | Papel menor | No acreditada |
| Tex Driscoll | Papel menor | No acreditau |
| Johnny Eckert | Papel menor | No acreditau |
| Franklyn Farnum | Frank, aduyant d'o marshal | No acreditau |
| Francis Ford | Sarchento Billy Pickett | No acreditau |
| Brenda Fowler | Mrs. Gatewood | No acreditada |
| Olin Francis | Ciudadán de Lordsburg | No acreditau |
| Helen Gibson | Mesacha en o saloon | No acreditada |
| Don Hawks | Papel menor | No acreditau |
| Robert Homans | Ed, editor | No acreditau |
| William Hopper | Sarchento | No acreditau |
| George Huggins | Client d'o bar | No acreditau |
| Si Jenks | Cambrero | No acreditau |
| Cornelius Keefe | Capitán Whitney | No acreditau |
| Florence Lake | Mrs. Nancy Whitney | No acreditau |
| Al Lee | Pepel menor | No acreditau |
| Duke R. Lee | Sheriff de Lordsburg | No acreditau |
| Theodore Lorch | Achent d'a dilichencia en Lordsburg | No acreditau |
| Chris-Pin Martin | Chris | No acreditau |
| Jim Mason | Jim, achent d'a dilichencia en Tonto | No acreditau |
| Louis Mason | Sheriff de Tonto | No acreditau |
| Merrill McCormick | No acreditau | |
| J.P. McGowan | No acreditau | |
| Walter McGrail | Capitán Sickel | No acreditau |
| Paul McVey | Achent d'o Pony Express | No acreditau |
| Jack Mohr | Papel menor | No acreditau |
| Kent Odell | Billy Pickett Jr | No acreditau |
| Artie Ortego | Propietario d'o bar de Lordsburg | No acreditau |
| Vester Pegg | Hank Plummer | No acreditau |
| Jack Pennick | Jerry, cambrero d'o bar de Lordsburg | No acreditau |
| Chris Phillips | Papel menor | No acreditau |
| Joe Rickson | Ike Plummer | No acreditau |
| Buddy Roosevelt | Ranchero | No acreditau |
| Elvira Ríos | Yakima | No acreditada |
| Mickey Simpson | No acreditau | |
| Margaret Smith | Papel menor | No acreditau |
| Chuck Stubbs | No acreditau | |
| Harry Tenbrook | Treballador d'o telegrafo | No acreditau |
| Leonard Trainor | Ciudadán | No acreditau |
| Dorothy Vernon | Ciudadana | No acreditau |
| Mary Kathleen Walker | Filla de Lucy | No acreditada |
| Blackjack Ward | Ciudadán | No acreditau |
| Bryant Washburn | Capitán Simmons | No acreditau |
| Whitehorse | Chefe indio | No acreditau |
| Hank Worden | Soldau de Caballería | No acreditau |
Premios
[editar | modificar o codigo]| Premio | Calendata | Edición | Categoría | Premiau | Notas |
|---|---|---|---|---|---|
| Premios Oscar[5] | 1940 | 12ena edición | Oscar a lo Millor Actor Segundario | Thomas Mitchell | |
| 1940 | 12ena edición | Oscar a la Millor Banda Sonora Orichinal | Richard Hageman, Franke Harling, Louis Gruenberg, John Leipold y Leo Shuken | ||
| 1940 | 12ena edición | Nominada a l'Oscar a la Millor Cinta | Stagecoach | ||
| 1940 | 12ena edición | Nominada a l'Oscar a lo Millor Director | John Ford | ||
| 1940 | 12ena edición | Nominada a l'Oscar a la Millor Fotografía | Bert Glennon | ||
| 1940 | 12ena edición | Nominada a l'Oscar a lo Millor Montache | Otho Lovering y Dorothy Spencer | ||
| 1940 | 12ena edición | Nominada a l'Oscar a lo Millor Disenyo de Producción | Alexander Toluboff |
Remakes y reutilizacions
[editar | modificar o codigo]Dos cintas posteriors facioron servir secuencias descartadas d'ista cinta relativas a la persecución d'a dilichencia por os indios I Killed Geronimo (1950, John Hoffman) y Laramie Mountains (1952, Ray Nazarro).[2] Se tracta d'una escena iconica, que amás ha estau reproducida en cuantos westerns posteriors.[2]
Antiparte, bi ha dos remakes d'a cinta, Stagecoach (1966, Gordon Douglas) y lo telefilm Stagecoach (1986, Ted Post).[2]
Se veiga tamién
[editar | modificar o codigo]Referencias
[editar | modificar o codigo]- ↑ (en) Stagecoach en a web de l'American Film Institute.
- ↑ 2,0 2,1 2,2 2,3 2,4 2,5 2,6 2,7 2,8 (es) Quim Casas: Películas clave del western, Ediciones Robinbook, S.L., Barcelona, 2007, ISBN 978-84-96222-88-5, p.51-52.
- ↑ 3,0 3,1 (es) Curiosidades de "La diligencia", en www.Abandomoviez.
- ↑ * (en) Stagecoach en Internet Movie Database.
- ↑ (en) Ganadors y nominaus d'os Premios Oscar 1940 en a pachina web de l'Academia d'as Artes y as Ciencias Cinematograficas de Hollywood.
Vinclos externos
[editar | modificar o codigo]
Se veigan as imáchens de Commons sobre Stagecoach.- (en) Stagecoach en Internet Movie Database.
- (en) Stagecoach en Rotten Tomatoes.
- (en) Stagecoach en AllMovie.
- (en) Stagecoach en TCM Movie Database.
- (en) Stagecoach en l' American Film Institute Catalog de l'American Film Institute.
- (en) / (es) Stagecoach en FilmAffinity.
- (ca) Stagecoach en Goita què fan, ara!.
| Control d'autoridaz |
|
|---|
Datos: Q50714- Multimedia: Stagecoach (1939 film) / Q50714
- Cintas por títol
- Cintas de 1939
- Cintas ambientadas en Arizona
- Cintas ambientadas en os anyos 1880
- Cintas con banda sonora orichinal de Franke Harling
- Cintas con banda sonora orichinal de Gerard Carbonara
- Cintas con banda sonora orichinal de John Leipold
- Cintas con banda sonora orichinal de Leo Shuken
- Cintas con banda sonora orichinal de Louis Gruenberg
- Cintas con banda sonora orichinal de Richard Hageman
- Cintas con banda sonora orichinal de Stephen Pasternacki
- Cintas con dirección de fotografía de Bert Glennon
- Cintas con guión de Dudley Nichols
- Cintas con montache d'Otho Lovering
- Cintas con montache de Dorothy Spencer
- Cintas d'Estaus Unius
- Cintas de western
- Cintas dirichidas por John Ford
- Cintas en anglés
- Cintas en blanco y negro
- Cintas interpretadas por Claire Trevor
- Cintas interpretadas por John Wayne
- Cintas interpretadas por Andy Devine
- Cintas interpretadas por John Carradine
- Cintas interpretadas por Thomas Mitchell
- Cintas interpretadas por Louise Platt
- Cintas interpretadas por George Bancroft
- Cintas interpretadas por Donald Meek
- Cintas interpretadas por Berton Churchill
- Cintas interpretadas por Tim Holt
- Cintas producidas por Walter Wanger
- Cintas rodadas en Arizona