Pancrias
O pancrias (del griego πάγκρεας "tot carne") u rosta ye un organo situau en l'abdomen que tien secreción exocrina formada por enzimas dichestivas que pasan a o bodiello chicot y secreción endocrina formada por hormonas que pasan a la sangre, como a insulina, glucagón, polipeptido pancriatico y somatostatina.
Tien forma conica y se divide en quantas rechions ditas cabeza, cuello, cuerpo y coda. En a especie humana mide l'abdomen entre 15 y 23 cm de largaria, 4 de amplaria y 5 de gordaria, con un peso que oscila entre 70 y 150 g. A cabeza se localiza en a concavidat d'o duodeno u ansa duodenal formada por as tres primeras porcions d'o duodeno y puya oblicuament enta a ezquierda.
Denominacions[editar | modificar o codigo]
Las denominacions mayoritarias que rechistra l'Atlas lingüístico y etnográfico de Aragón, Navarra y Rioja pa lo pancrias de tocín en l'Alto Aragón ye pizca (de) la lavadera en la zona occidental y chulla (de) la lavadera en la oriental.[1]
Referencias[editar | modificar o codigo]
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Tomo V. Institución Fernando el Católico. Departamento de Geografía Lingüística Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Lamina nº 793, mapa nº 697.