Sirians (pueblo preislamico)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sirians | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
| ||||||||||||||||||
| Arameu | ||||||||||||||||||
| Cristiana siriana ortodoxa, cristiana siriana catolica | ||||||||||||||||||
| Altros pueblos semitas: neoasirianos, caldeus y chodigos d'o Kurdistán | ||||||||||||||||||
,_Flag_of_Syria_(1980%E2%80%932024).svg){kind=small}
Os sirians[1] son un pueblo en vías de desaparición de Siria y d'o sudeste de Turquía caracterizato por a luenga aramea y estar de relichión cristiana con rito sirián.
Son a continación d'a población siriana no griega ni chodiga anterior a la invasión arabe y que no plegó a islamizar-se. Bi ha una branca ortodoxa y una branca catolica. Representan por tanto un grupo etnico etno-confesional, millor definito por a relichión que por una luenga propia que trasmita una cultura propia d'un territorio.
En tiempos colonials amaneixió o problema d'a suya denominación como pueblo y o grau de relación u integración con atros grupos etnoconfesionals cristianos afins, problema que s'agudizó en 1946 con a independencia de Siria, que significó que sirián yera habitant d'o estato de Siria.
Seguntes l'asirianismo u nacionalismo neoasiriano toz os cristianos d'Orient Meyo de luenga semitica son un mesmo pueblo asiriano. D'esta traza pa os asirianistas, os sirians son una facción d'a nación asiriana y se refieren a ellos como "asirianos occidentals". Bi ha adeptos de l'asirianismo entre a diaspora siriana de Suecia.
Os sirians que no son asirianistas prefieren denominar-sen seguntes a palabra aramea suryoyo ("sirián", "siriaco") u mes modernament "arameus", fendo enfasi en o suyo orichen arameu, encara que en anglés se presentan como Syriac-aramaean ("sirio-arameus"), Aramaean-Syriac u simplament Syriac. En Suecia y Alemanya parte d'a diaspora de cristianos d'orichen oriental se denominan "arameus" u "sirio-arameus".
Historia
[editar | modificar o codigo]Ye dificil precisar cuan estió a etnochenesi d'o pueblo sirián actual, diferent d'os suyos vecins por a luenga aramea y a relichión cristiana. Enantes d'a cristianización d'Orient Meyo, cristianización que estió intensa, a luenga aramea ya s'heba estendillato como lingua franca bels sieglos enantes fendo desapareixer luengas afins como o hebreu.
En o periodo romano tardano os sirians feban notar a suya diferencia respecto a los griegos prenendo una traza diferent d'a relichión cristiana: o monofisismo. Manimenos as poblacions helenizatas, as poblacions de zonas afavoritas por a politica imperial como Palestina, y la chent que yera mes a man d'o poder seguiban a ortodoxia que promobeba l'autoridat imperial a l'igual que as poblacions d'orichen griego presents en Orient Meyo, convertindo-se en os melkitas, que huei encara son conoixitos como Roum ("romanos"). O monofisismo yera perseguito por o poder imperial y los suyos liders relichiosos se refuchioron en as zonas montanyosas d'a muga nortoriental como Tur Abdín, perdendo a suya popularidat. Os monofisistas recibioron a los musulmans como salvadors, veyendo-los como una secta cristiana mes d'as muitas que bi heba en l'Imperio Romano d'Orient.
En os primers tiempos d'a dominación musulmana continó a vida normal d'alcuerdo con as tradicions romanas orientals u bizantinas, y dica construiban ilesias. Os sirians encara influiban muito en a vida de l'Imperio Bizantín:
- Estió un sirián refuchiato, Calinico, qui inventó l'agua ardent, l'arma secreta de Costantinoble.
- Estió un santo sirián retirato en territorio baixo control musulmán que resolvió a baralla iconoclasta, Chuan de Domás.
Bels sirians se convirtioron a la relichión islamica con a esperanza de poder prener poder politico en una sociedat dominata por una clase dirichent militar d'orichen arabe. Os Omeyas gobernoron deixando l'administración a los sirians, que seguiban os modelos organizativos de l'Imperio Romano d'Orient. Encara podeban estar consideratos sirians, encara que musulmans a os 7000 sirians musulmans mandatos por Balch que entroron en l'Al Andalus pa esclafar una revuelta berber kharichí contra os arabes sunnís y que dimpués se quedoron y refirmoron a los Omeyas.
Manimenos baixo dominio d'os musulmans o numero de sirians de luenga aramea ha ido baixando muito: cuan os sirians s'islamizaban en pocas cheneracions se convertiban en arabes por dos razons:
- L'arabe ye fácil d'aprender pa os parlants d'arameu por estar tamién semitico
- A sobén en o mundo islamico a islamización en l'aspecto relichioso ha significato arabización en l'aspecto lingüistico por estar l'arabe a sola luenga de l'Alcorán. Esto mesmo ha esdeveniu con a islamización-arabización de berbers, os coptos y os nubians.
Cuan os bizantins reconqueriban territorios musulmans de Siria, los repoblaban con armenios. As cruzatas perchudicoron a os sirians a l'igual que atras comunidaz cristianas orientals. augmentó a hostilidat d'a población musulmana contra os cristianos.
Chuan Ferrández d'Heredia los menciona como iacobins (ye dicir chacobins) en "La Flor de las Ystorias d'Orient":
En l'aria de Tur Abdín viviban uns 200.000 sirans dica 1915. Mientres a primera guerra mundial o gubierno d'os "chóvens turcos" (d'ideolochía panturquista), querió eliminar as minorías cristianas d'Anatolia oriental: armenios, asirianos y sirians. Os cristianos de Tur Abdín fuoron atacatos por bandas de kurdos aliaus d'os turcos. Un tercio morió en a mortalera. Os sirians estioron menos combativos que os armenios u os neoasirianos, pero tenioron un episodio de tierca resistencia en Ein Wardo, lugar fácilment fortificable on pocos centenars de sirians fuoron asitiatos por 12.000 soldatos otomans y 13000 milicians kurdos mientres 3 anyos dica que remató a guerra.
Dimpués d'a guerra o gubierno de Mustafá Kemal Atatürk continó perseguindo a los sirians, a l'igual que fació con os griegos y armenios, y forachitoron a os sirians d'Urfa que heban sobrevivito a las mortaleras.
Entre os que quedoron con vida dimpués d'ixas persecucions, una part se refuchió en Siria y Liban y atra en Irak. En 1924 o gubierno kemalista forachitó a lo patriarca sirio ortodoxo, que se refuchió en Domás. D'astí enta debant o centro de gravedat d'a Ilesia Siriana Ortodoxa y d'os sirians se desplazó dende as rechions turcas de Tur Addín, Mardín y Nisibín ta os países güegals. En Tur Abdín quedoron en 1920 70.000 sirians, (seguntes bellas fuents 15.000) y en 1990 no plegaban dica 4.000, a fins d'os anyos 90 no yeran mes de 900. Muitos sirians han dixato Tur Abdín pa fuyir d'a guerra entre kurdos y turcos.
Parla
[editar | modificar o codigo]Charran dos dialectos arameus, o turoyo y o lahso u suroyo, (muerto dende 1998).
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Bibliografía
[editar | modificar o codigo]- William Dalrymple "Desde el monte santo. Viaje a la sombra de Bizancio". Librería Altair.
