Silent Rage

Silent Rage
Títol	Silent Rage
Póster d'a cinta.
Ficha tecnica
Dirección	Michael Miller
Dirección artistica	Jack Marty
Producción	Anthony B. Unger
Guión orichinal	Joseph Fraley
Musica	Peter Bernstein Mark Goldenberg
Fotografía	Robert Jessup Neil Roach
Montache	Richard C. Meyer
Escenografía	Derek R. Hill
Maquillache	Del Armstrong Allan A. Apone
Peluquería	Pat Grover
Efectos especials	Jack Bennett Randy Fife
Casting	Caro Jones
Actors	Chuck Norris Ron Silver Steven Keats Toni Kalem William Finley Brian Libby Stephen Furst
Color	Metrocolor
Datos y cifras
País(es)	Estaus Unius
Anyo	1982
Debantadera	2 d'abril de 1982 Estaus Unius
Chenero(s)	Cine d'acción Cine policiaco Cine de ciencia-ficción Cine de terror
Durada	100 min.
Idioma(s)	Anglés
Companyías
Productora(s)	Topkick Productions
Distribución	Columbia Pictures
Recauto	10,5 millons de dólars
Informacions en bases de datos especializadas:

Silent Rage (títol orichinal en anglés, en aragonés Rabiura silenciosa, enguerada en Aragón con o títol en castellano de Furia silenciosa) ye una cinta de cine estausunidense de cine d'acción policiaca de ciencia-ficción de terror de l'anyo 1982 dirichida por Michael Miller seguntes un guión orichinal de Joseph Fraley, con una banda sonora orichinal de Peter Bernstein y Mark Goldenberg, un dirección de fotografía de Robert Jessup y Neil Roach, una producción cinematografica d'Anthony B. Unger ta la productora cinematografica Topkick Productions y un elenco formau por Chuck Norris, Ron Silver, Steven Keats, Toni Kalem, William Finley, Brian Libby y Stephen Furst, entre d'atros actors.

John Kirby ye un malauto mental que vibe en un lugar de Texas y en un episodio de crisi mata a dos miembros d'a familia que l'acolliba. Cuan o "sheriff" Dan Stevens y lo suyo aduyant Charlie intervienen para detener-lo, se libera y pilla una escopeta, fendo que los policías se veigan obligaus a disparar contra él. En plegar en o hespital preban de salvar-le la vida, pero cuan se veye que ye imposible, Phillip Spires proposa tractar-lo con un medicamento que han creyau él y Paul Vaughn pero los atros medicos s'oposan. Cuan marchan, Phillip aproveita ta inchectar-li lo medicamento con o resultau que John revive, encara que mudo y cuasi que indestructible en estar muit reforada la suya capacidat de recuperación. A suya primera acción ye fugar-se d'o hespital y marchar enta la casa d'un d'os medicos a qui ha escuitau decir que s'oposaba a revivir-lo, y mata a lo medico y a su muller. Allison, la chirmana d'o medico asasinau, ye la novia de Dan y cuan plegan toz dos en a casa troban os cadavres, pero John ha fuyiu, encara que feriu por a suya baralla con o medico. Dan y Allison marcha enta l'hespital, a on tamién ha marchau John ta que li curen as feridas. Cuan Phillip veye que la situación s'ha descontrolau, permite que Paul li inchecte a John un acido ta matar-lo, pero consigue sobrevivir y matar él a Paul con a mesma ixaringa, ta dimpués matar a Phillip y a un atro emplegau d'o hespital. En ixe momento i plega Dan y ha de luitar con John, que dica l'inte ha sobreviviu a toz os intentos de matar-lo.

A cinta s'ambienta en a suya epoca actual (1982) en bel lugar de Texas y las suyas escenas se filmoron en Dallas, tamién en Texas.

Elenco

Actor	Papel	Notas
	'

Se veiga tamién

• Cine en 1982.
• Cintas de 1982.

Referencias

• Datos: Q1171611