Familia
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo ye sobre a familia como conchunto de personas; ta atros usos, se veiga Familia (desambigación).
Una familia ye, dende o punto d'anvista d'a Sociolochía, un conchunto de personas que se troban unitas por lazos de parentalla, que son prencipalment de tres tipos:
- Matrimonio, a sobén formato por una parella, u tamién de más personas en o caso d'as sociedatz poligamas. As parellas gosan estar formatas por dos personas de diferent sexo, encara que tamién puet estar una familia formata por dos personas d'o mesmo sexo. Respective d'a poligamia, cal parlar d'a poligamia en sentito estricto, quan o vinclo familiar lo forman un solo varón y quantas mullers, y d'a poliandria, quan una sola muller forma una familia con quantos hombres diferents.
- Filiación entre pais y fillos.
- Relación entre chirmans.
Tamién se puet diferenciar a familia seguntes o grado d'a relación entre os suyos miembros:
- Familia nucleyar - pais y fillos (si bi'n ha).
- Familia patriarcal u ampla - amás d'a familia nucleyar, encluye os lolos (muit a sobén consideratos os patriarcas), tíos, primos y más parients de primera linia consanguinia.
Antiparte, a familia puet estar unita por vinclos de sangre, encara que también por vinclos d'afinidat, como los que s'escayecen entre os conyuges d'un matrimonio y os familiars consanguinios de l'atro conyuge.
Se considera que una familia tien, dende o punto d'anvista d'o Dreito, una personalidat churidica propia, con un patrimonio común (y en a nuestra sociedat aragonesa, como en a resta d'as sociedatz d'o nuestro ambito cultural, con un domicilio común). Antiparte, a relación familiar creya entre os suyos miembros una obligación de tipo churidico de solidaritat, con l'obchectivo de protecher a os suyos miembros y en garantizar o suyo desembolique social, economico u afectivo.