Seu de Sant Pavlo de Londres
| Sant Pavlo de Londres St Paul's Cathedral | |
|---|---|
 Anvista aeria d'a seu | |
| Situación cheografica | |
| Estato | |
| País | |
| ' | |
| Situación |  Londres (Anglaterra, R.U.)
|
| Adreza | |
| Coordenatas | |
| Diocesi | Londres |
| Información cheneral | |
| Advocación | Sant Pavlo |
| Culto | Ilesia d'Anglaterra |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Vesitable | |
| Datos tecnicos | |
| Altaria | |
| Pisos | |
| Amplaria | 111m |
| Largaria | 158m |
| Superficie | |
| Diametro | |
| Aforo | |
| Altaria s.r.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Seu |
| Estilo | Barroco |
| Función | |
| Catalogación | |
| Materials | |
| Construcción | |
| Construcción | 1708 |
| Fundador | |
| Inicio | |
| Fin | |
| Inauguración | |
| Destrucción | |
| Equipo disenyador | |
| Arquitecto | Christopher Wren |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
A Seu de Sant Pavlo de Londres (en anglés St Paul's Cathedral) ye a una ilesia de Londres, seu d'a Diocesi de Londres aintro d'a Ilesia d'Anglaterra. A suya advocación a Sant Pavlo data de l'antiga ilesia que se trobaba en iste mesmo puesto y que s'establió en l'anyo 604.[1] Sant Pavlo se situa en a tuca d'o tozal de Ludgate, o punto mas alto d'a Ciudat de Londres, y ye a ilesia prencipal d'a Diocesi de Londres. L'actual edificación data d'o sieglo XVII y se construyó en estilo barroco anglés seguindo o disenyo de Sir Christopher Wren, como parti d'una reconstrucción que se fació en a ciudat dimpués d'o Gran Incendio de Londres.[2]
A seu ye un d'os mas famosos iconos d'a ciudat de Londres, con a suya cupula dominó l'horizont d'a ciudat mientres 300 anyos.[3] Con 111 m d'altaria, estió o edificio mas alto de Londres dende 1710 dica 1962, y a suya cupula se troba encara entre as mas altas d'o mundo. En termins d'aria, Sant Pavlo ye a segunda ilesia mas gran d'o Reino Uniu dimpués d'a Seu de Liverpool.
A seu de Sant Pavlo tien un papel prou important en a identidat nacional d'a población anglesa.[4] Asinas ye o motivo prencipal d'a-saber-los articlos promocionals, como as postals con imachens d'a cupula rodiata por o fumo y as flamas en o Blitz mientres a Segunda Guerra Mundial.[4]
Sant Pavlo ha estato o puesto a on s'han feito importants ceremonias como os funerals de l'almirant Nelson, o Duque de Wellington u Sir Winston Churchill; as celebracions d'o chubileu d'a reina Victoria; as misas en rematar a Primera y Segunda Guerras Mundials; a voda entre o prencipe Carlos y Diana de Galas, u as celebracions d'o 80eno cabo d'anyo d'a reina Isabel II entre atros muitos actos.
Referencias[editar | modificar o codigo]
- ↑ (en) B. Weinreb & C. Hibbert. "The London Encyclopaedia" p. 778.
- ↑ (en) Helen Gardner; Fred S. Kleiner, Christin J. Mamiya, Gardner's Art through the Ages. Thomson Wadsworth, (2004) ISBN 0-15-505090-7
- ↑ (en) Sir John Betjeman, A Pictorial History of English Architecture, John Murray, (1970), ISBN 0-7195-2640-X
- ↑ 4,0 4,1 (en) Rebecca Pierce, National Identity and the British Empire: the Image of Saint Paul’s Cathedral, Master's Thesis, Marshall University (2004) [1]
Vinclos externos[editar | modificar o codigo]
Se veigan as imáchens de Commons sobre a seu de Sant Pavlo de Londres.- Pachina oficial d'a seu
