Winston Churchill

Winston Churchill
Primer ministro d'o Reino Uniu
10 de mayo de 1940 – 27 de chulio de 1945
Monarca	Chorche VI
Precediu por	Neville Chamberlain
Succediu por	Clement Attlee
Primer ministro d'o Reino Uniu
26 d'octubre de 1951 – 7 d'abril de 1955
Monarca	Chorche VI Isabel II
Precediu por	Clement Attlee
Succediu por	Anthony Eden
Ministro d'Hicienda d'o Reino Uniu
6 de noviembre de 1924 – 4 de chunio de 1929
Primer ministro	Stanley Baldwin
Precediu por	Philip Snowden
Succediu por	Philip Snowden
Ministro de l'Interior d'o Reino Uniu
19 de febrero de 1910 – 24 d'octubre de 1911
Primer ministro	Herbert Henry Asquith
Precediu por	Herbert Gladstone
Succediu por	Reginald McKenna
Naiximiento	30 de noviembre de 1874 Blenheim, Oxfordshire, Reino Uniu)
Muerte	24 de chinero de 1965 Londres (Reino Uniu)
Partiu	Partiu Conservador (1900–1904, 1924–1964) Partiu Liberal (1904–1924)
Conchuche	Clementine Churchill
Fillos	Diana Randolph Sarah Mary Marygold
Profesión	Politico, periodista, historiador y escritor
Alma Máter	Harrow School, Royal Military Academy Sandhurst
Relichión	Ilesia Anglicana

Sir Winston Leonard Spencer Churchill estió un politico, periodista, historiador y escritor britanico, naixiu d'o palacio de Blenheim en o condau d'Oxfordshire o 30 de noviembre de 1874 y muerto en Londres o 24 de chinero de 1965.

Estió ministro de l'Interior d'o Reino Uniu en o periodo 1910-1911 y ministro d'Hicienda d'o Reino Uniu entre 1924 y 1928, antis de convertir-se en primer ministro d'o Reino Uniu, cargó que ocupó mientres a Segunda Guerra Mundial, dende o 10 de mayo de 1940 dica o 27 de chulio de 1945 y en a posguerra, dende o 26 d'octubre de 1951 dica o 7 d'abril de 1955.

Por o suyo treballo como escritor recibió en 1953 o Premio Nobel de Literatura, por lo suyo dominio d'as descripcions biograficas y historicas asinas como per lo suyo brillant oratoria en defensa d'as valors humanas.

Obra escrita triada

Winston Churchill estió un escritor prolifico tdta la suya vida, y muitas d'as suyas obras estioron historicas. Como ministro mientres parte d'a Primera Guerra Mundial y como primer ministro de cuasi tota la Segunda, Churchill tenió acceso a documentos oficials, plans militars, secretos oficials y correspondencia entre los líders mundials. Dimpués d'a Primera Guerra, cuan i heba pocas reglas que rechisen la utilización d'estes documentos, Churchill simplament se levó muitos d'éls con él cuan deixó lo cargo, y los usó librement en os suyos libros. Las suyas obras mas conoixidas como historiador son:

• The World Crisis, un relato historico d'a Primera Guerra Mundial, publicau inicialment en cinco volúmens entre 1923 y 1931. En l'anyo 1931 s'editó tota la obra en un seiseno volumen actualizau y enamplau.
• Second World War, obra historica en seis volúmens que narra lo periodo dende lo final d'a Primera Guerra Mundial dica chulio de 1945, escrita per él mesmo. Ista obra estió lo maximo responsable d'a obtención d'o Premio Nobel de Literatura en 1953.
• Arms and the Covenant, George G. Harrap and Co., 1938. Libro a on analiza y explica la precaria preparación pa enfrontinar-se a una menaza nazi.
• Marlborough: His Life and Times, biografía panechirica feita en cuatre volúmens sobre John Churchill, 1^er duque de Marlborough, de qui Churchill yera un descendent linial.
• A History of the English-Speaking Peoples, escrita mientres o periodo 1937 y 1956 por él en cuatre volúmens, ye a historia de Reino Uniu y las suyas antigas colonias y posesions en tot o mundo, que cubre lo periodo dende las invasions de César a la isla de Gran Bretanya (55 aC) dica lo final d'a Segunda Guerra Bóer (1902).

Filmografía

• Young Winston, cinta de l'anyo 1972 dirichida por Richard Attenborough, y protagonizada por Simon Ward, Robert Shaw, Anne Bancroft, Jack Hawkins, John Mills, Anthony Hopkins, Ian Holm, Patrick Magee, Edward Woodward, sobre a choventut de Winston Churchill, os problemas con o suyo pai y os suyos inicios en a politica.
• World War II: When Lions Roared, miniserie de televisión de l'anyo 1994 dirichida por Joseph Sargent, y protagonizada por Michael Caine, Bob Hoskins, John Lithgow, Ed Begley Jr., Jan Tríska y Corey Burton que amuestra las estratechias en Europa y Africa d'o Norte d'os liders d'os Bloque d'os Aliaus (Roosevelt, Churchill y Stalin) mientres a II Guerra Mundial.
• Into The Storm: Churchill At War, cinta de l'anyo 2009 dirichida por Thaddeus O'Sullivan, y protagonizada por Brendan Gleeson, Janet McTeer, Len Cariou, James D'Arcy, Iain Glen, Patrick Malahide, Robert Pugh y Emma Hamilton.
• Churchill’s secret, basada en a novela Churchill’s secret, ye una cinta de televisión de l'anyo 2016 dirichida por Charles Sturridge, y protagonizada por Michael Gambon, Lindsay Duncan, Romola Garai, Daisy Lewis, Patrick Kennedy, Christian McKay, Chris Larkin, Matthew Macfadyen y Bill Paterson centrada en l'anyo 1953 cuan Churchill estando primer ministro tenió problemas de salut y lo suyo arredol prebó d'amagar-lo.
• Dunkirk, cinta de l'anyo 2017 dirichida por Christopher Nolan, y protagonizada por Fionn Whitehead, Mark Rylance, Kenneth Branagh, Tom Hardy, Cillian Murphy, Barry Keoghan, Harry Styles, Jack Lowden, Aneurin Barnard, James D'Arcy, Tom Glynn-Carney, Bradley Hall y Damien Bonnard centrada en a Operación Dinamo d'a II Guerra Mundial.
• Winston Churchill: The Wilderness Years (Miniserie de TV), miniserie dramatica de televisión de l'anyo 1981 de 8 capitols dirichida por Ferdinand Fairfax, y protagonizada por Robert Hardy, Sian Phillips, Nigel Havers, Tim Pigott-Smith, Peter Barkworth, Eric Porter, Edward Woodward, David Swift, Sherrie Hewson y Robert James, sobre la vida de Winston Churchill mientres 1929, cuan perdió la suya posición en o gabinet ministerial, y 1939, cuan s'incorpora a lo gabinet de guerra d'o Reino Uniu.
• The Finest Hours, documental de l'anyo 1964 dirichiu por Peter Baylis y basau en a biografía escrita por Victor Wolfson con narración d'Orson Welles.
• Darkest Hour, cinta de l'anyo 2017 dirichida por Joe Wright y protagonizada por Gary Oldman, Ben Mendelsohn, Kristin Scott, Lily James, Stephen Dillane, Richard Lumsden, Philip Martin Brown, Ronald Pickup, Brian Pettifer, Tom Ashley, Jordan Waller, David Olawale Ayinde, Michael Bott, Danny Stewart y John Locke.

Vinclos externos

• Se veigan as imáchens de Commons sobre Winston Churchill.

• Datos: Q8016
• Multimedia: Winston Churchill / Q8016