Papaver rhoeas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ababol

Clasificación scientifica

Reino:	Plantae
División:	Magnoliophyta (magnoliofitas)
Clase:	Magnoliopsida (magnoliopsidas)
Orden:	Papaverales (papaberals)
Familia:	Papaveraceae (papaveracias)
Chenero:	Papaver
Especie:	Rhoeas

Nomenclatura binomial

Papaver rhoeas

L'ababol^[1]^[2], babol u ababolera ^[3] (Papaver rhoeas) ye una planta dicotiledonia d'a familia d'as papaveracias. Abunda en os campos y en as márguins d'os camins, y se distingue per a color bien roya d'a suya flor.

Fitonimia

O fitonimo ababol promana de l'arabe hispanico hababáwr(a), forma arabizata d'o latín papaver. O vocable contina encara vivo en a parla rural castellana y catalana d'influencia aragonesa (per tot l'Aragón castellanofono y catalanofono, en Navarra, Murcia y lugars d'a Catalunya nordoccidental y d'o País Valenciano). Por atra part ababol ye una faltada^[1]^[2] propia de l'aragonés y o castellano d'Aragón por comparanza metaforica con o consumidor d'opiacios, herencio d'un antigo uso de l'adormidera en ixas envueltas d'Al Andalus.

Atros nombres en aragonés son anchovas, catabols, escatabous y rosilla.^[4]

José Pardo Sastrón comenta que en Torrociella d'Alcanyiz ababol ye a flor y rosilla ye a hierba.^[5] A forma rosilla tien como cognato o catalán cheneral rosella, que en a parla d'o Matarranya ye ruella.

A suya flor recibe os nombres de fraire y santchuán, ^[3] que a vegadas tamién fan referencia a tota la planta.

Descripción

Ye una planta anyal, d'aparencia fráchil y bonica, que ye estata fuent d'inspiración ta muitos pintors europeus y de chuegos ta los ninons, pero que os labradors consideran mala hierba, ya que infesta per tot os sembratos.

Puede producir efectos narcoticos, debitos a los alcaloides que contién. Ista caracteristica ye l'orichen probable de l'uso informal d'a parola con o significato de persona fata, d'intelichencia "adormita" u que pierde facilment l'atención.

A planta ye tipica de culturas cerealistas, espardita per buena parte d'Europa, Asia y l'America d'o Norte.

Referencias

↑ ^1,0 ^1,1 (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 163.ISBN 978-84-8094-058-0
↑ ^2,0 ^2,1 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0 p 57.
↑ ^3,0 ^3,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ Prochecto Anthos d'o Reyal Chardín Botanico, o CSIC y a Fundación Biodiversidat
↑ (es) José Pardo Sastrón: Catalogo o enumeración de las plantas de Torrecilla de Alcañiz asi espontáneas como cultivadas. Tip.de E.casañal y compañía. 1895. Reedición de 1995 de lo Instituto de Estudios Turolenses.

Especies d'o chenero Papaver

Datos: Q130201
Multimedia: Papaver rhoeas / Q130201
Especies: Papaver rhoeas

[BARCOS-1] 1,0 ^1,1 (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 163.ISBN 978-84-8094-058-0

[FernandosChistabin-2] 2,0 ^2,1 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0 p 57.

[DORTO-3] 3,0 ^3,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[4] Prochecto Anthos d'o Reyal Chardín Botanico, o CSIC y a Fundación Biodiversidat

[5] (es) José Pardo Sastrón: Catalogo o enumeración de las plantas de Torrecilla de Alcañiz asi espontáneas como cultivadas. Tip.de E.casañal y compañía. 1895. Reedición de 1995 de lo Instituto de Estudios Turolenses.

[1]

[2]

[3]

[4]

[5]