Rhinolophus hipposideros
| Rhinolophus hipposideros | |
|---|---|
.jpg) | |
| Denominacions populars | |
murciacalo chato chico, murciacalo de ferratura chico
| |
| Estato de conservación | |
| Clasificación scientifica | |
| Animalia | |
Filo:
|
Chordata |
| Mammalia | |
| Chiroptera | |
| Rhinolophidae | |
| Rhinolophus | |
| R. hipposideros | |
| Descripción | |
| Distribución cheografica | |
 | |
O murciacalo chato chico u murciacalo de ferratura chico[1] (Rhinolophus hipposideros (Bechstein, 1800)[2]) ye un mamifero d'a orden d'os Chiroptera y familia Rhinolophidae que ye un d'os murciacalos mas chicotz d'o mundo, con un peso de nomás 5 a 9 gramos, con una envergadura de 192 a 254 mm y una longaria corporal de 35 a 45 mm. Tien pietz fuertes que fa servir pa agarrapizar penyas y ramas, y puede veyer bien tot y con os suyos uellos chicotz. Como a mayoría d'os murciacalos, os murciacalos de ferratura chico viven en colonias y cazan a las suyas presas per ecolocalización, emitindo ultrasons dende almadetas redondas especializadas en a boca.
A base d'o suyo pelache, que ye suau y molsudo, ye de color grisa clara, con o pelache d'o costau dorsal pardo zafumau y lo costau ventral griso, a excepción d'os murciacalos chuvenils que son de tot griso fosco. As orellas y as bienzas d'as alas son de color parda grisenca clara.
Quan cazan, son rapidos y achils, a ormino vuelan a menos de cinco metros d'o solero y privan o contacto con a matullera. Lo murciacalo de ferratura chico mincha insectos chicotz, a mayoría d'os quals se replegan de pietras y ramas. Os tipos favoritos de presas incluyen moscas, mosquitos, paixarelas, palometas y arainas. Lo promeyo de vida de Rhinolophus hipposideros ye de 3 anyadas d'edat, encara que se sabe que qualques individuos viven muito mas tiempo.[3]
Subespecies[editar | modificar o codigo]
- R. h. hipposideros, Bechstein (1800).
- R. h. escaleare, Andersen (1918).
- R. h. majori, K.Andersen (1918).
- R. h. midas, K.Andersen (1905).
- R. h. minimus, Heuglin (1861).
- R. h. minutus, Montagu (1808).
Referencias[editar | modificar o codigo]
- ↑ (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (I), Fuellas 249, Consello d'a Fabla Aragonesa, 2019, ISSN 1132-8452, pp. 10-15.
- ↑ (de) Fabio Bontadina, Therese Hotz, Kathi Maerki: Die Kleine Hufeisennase im Aufwind. Ursachen der Bedrohung, Lebensraumansprüche und Förderung einer Fledermausart. Haupt-Verlag, Bern 2006, ISBN 978-3-258-07088-9.
- ↑ (ca) Antoni Alcover, J., ed. (1988). "Mamífers Actuals". els Mamífers de les Balears. Palma de Mallorca: Editorial Moll. pp. 90–91. ISBN 84-273-0265-7.
Vinclos externos[editar | modificar o codigo]
Se veigan as imachens de Commons sobre Rhinolophus hipposideros.
