Rhinolophus euryale
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Rhinolophus euryale | |
|---|---|
 | |
| Denominacions populars | |
murciacalo chato nabesaire, murciacalo de ferratura nabesaire
| |
| Estato de conservación | |
| Clasificación scientifica | |
| Animalia | |
Filo:
|
Chordata |
| Mammalia | |
| Chiroptera | |
| Rhinolophidae | |
| Rhinolophus | |
| R. euryale | |
| Descripción | |
| Distribución cheografica | |
 | |
O murciacalo chato nabesaire u murciacalo de ferratura nabesaire[1] (Rhinolophus euryale (Blasius, 1853)[2]) ye una especie de mamifero d'a orden d'os Chiroptera y familia Rhinolophidae que se troba en a rechión mediterrania y a peninsula balcanica, asinas como en partis d'Italia.
O tozuelo y lo cuerpo per un_regular miden entre 43 y 58 mm, con una coda de 22 a 30 mm. A envergadura de R. euryale ye d'entre 300 y 320 mm, con un peso estandard entre 8 y 17,5 gramos. Lo pelache ye molsudo, con una base grisa clara. Lo costau dorsal ye griso-marrón, a vegadas con un liuchero tinte royisco, mientres que lo costau ventral ye griso-blanco u amariello-blanco.[3]
Sale d'o cubillar quan ya ye fosco y vuela a ran de solero, estregando a vechetación.
Forma agrupacions de quantos cients d'individuos, que s'amagan en as partis mas fundas d'as espelungas, an as variacions de temperatura son tasament marcadas.
A vegadas convive con atras especies de murciacalos, sía d'o mesmo chenero u d'unatro diferent.
S'alimenta de palometas y atros insectos chicotz.
Subespecies[editar | modificar o codigo]
- R. e. euryale, Blasius (1853).
- R. e. judaicus, K.Andersen y Matschie (1904).
Referencias[editar | modificar o codigo]
- ↑ (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (I), Fuellas 249, Consello d'a Fabla Aragonesa, 2019, ISSN 1132-8452, pp. 10-15.
- ↑ (de) Wilfried Schober, Eckhard Grimmberger: Die Fledermäuse Europas – Kennen, bestimmen, schützen, Franckh-Kosmos, Stuttgart 1998. ISBN 3-440-07597-4
- ↑ (en) Schober, Wilfried; Eckard Grimmberger (1989). Dr. Robert E. Stebbings (ed.). A Guide to Bats of Britain and Europe. UK: Hamlyn Publishing Group. ISBN 0-600-56424-X.
Vinclos externos[editar | modificar o codigo]
Se veigan as imachens de Commons sobre Rhinolophus euryale.
