Red River (cinta de 1948)

Iste articlo ye sobre una cinta de cine estausuindense de l'anyo 1948 de cine de western: ta atros usos, se veiga Red River.

Red River
Títol	Red River
Póster d'a cinta.
Ficha tecnica
Dirección	Howard Hawks
Aduyant de dirección	William McGarry
Dirección artistica	John Datu
Producción	Howard Hawks
Guión adaptau	Borden Chase Charles Schnee
Basau en	The Chisholm Trail, publicau en 1946 en The Saturday Evening Post por Borden Chase
Musica	Dimitri Tiomkin
Soniu	Richard DeWeese
Fotografía	Russell Harlan
Montache	Christian Nyby
Maquillache	Lee Greenway
Peluquería	Dotha Hippe Frank La Rue
Efectos especials	Donald Steward
Casting	Dave Gunreth
Actors	John Wayne Montgomery Clift Walter Brennan Joanne Dru Coleen Gray Harry Carey John Ireland Noah Beery Jr. Harry Carey Jr. Chief Yowlachie Paul Fix Hank Worden Ray Hyke Wally Wales Mickey Kuhn
Color	Blanco y negro
Datos y cifras
País(es)	Estaus Unius
Anyo	1948
Debantadera	25 d'agosto de 1948 Texas, Oklahoma y Kansas (Estaus Unius)
Chenero(s)	Cine de western
Durada	133 min.
Idioma(s)	Anglés
Companyías
Productora(s)	Monterey Productions
Distribución	United Artists
Presupuesto	2,5 millons de dólars
Recauto	4.506.825
Informacions en bases de datos especializadas:

Red River (títol orichinal en anglés, en aragonés Río Royo u Río Red, enguerada en Aragón con o suyo títol traduciu enta lo castellano como Río Rojo) ye una cinta de cine de western de cine estausunidense de l'anyo 1948 dirichida por Howard Hawks seguntes un guión orichinal de Borden Chase y Charles Schnee (basau en The Chisholm Trail, publicau en 1946 en The Saturday Evening Post por Borden Chase), con una banda sonora orichinal de Dimitri Tiomkin, una dirección de fotografía de Russell Harlan y una producción cinematografica de Howard Hawks ta la productora cinematografica Monterey Productions. Conta con un elenco d'o cual en fan parte, entre d'atros, os actors John Wayne, Montgomery Clift, Walter Brennan, Joanne Dru, Coleen Gray, Harry Carey, John Ireland, Noah Beery Jr., Harry Carey Jr., Chief Yowlachie, Paul Fix, Hank Worden, Ray Hyke, Wally Wales y Mickey Kuhn.

En l'anyo 1851 una caravana de colonos marcha a traviés d'o clamau "camín de California". Un d'éls, Thomas Dunson, cuan se troban amán d'a muga con Texas, anuncia que dixa la caravana ta marchar enta lu sud. La suya novia Fen, que marchaba con él, contina con a caravana a petición de su novio, que diz que la clamará malas que sía bien asentau en Texas y li dixa un brazalet que yera de su mai. Con el marcha nomás que Nadine Groot, lo suyo amigo de siempre. A la siguient nueit los atacan os indios pero consiguen matar-los a toz. Tanimientres, en revisar os suyos cuerpos Thomas troba lo brazalet que heba dau a Fen, asinas que marchan a veyer qué s'ha escaiciu con a caravana, trobando-los muertos a toz. Nomás troban como solo supervivient a un nino, y con él marchan enta Texas. Cuan plegan amán d'o Río Grande, troban dos vichilants que dicen treballar ta don Diego, o mexicano propietario d'as tierras; matan a un y li dicen a l'atro que dende alabez as tierras a lo norte d'o río son de Thomas. En 1865, 14 anyadas dimpués, Dunson ya ha debantau un prospero rancho, pero en rematar en 1865 la guerra civil d'os Estaus Unius, ye cuasi que en falleta, y nomás poseye que un rabanyo de 10.000 vacas. Decide marchar enta Missouri, dica una terminal de ferrocarril, a on creye que obtiendrá un buen pre. Lo viache ye duro, y troban a Cherry Valance, un pistolero profesional que lis diz que lo ferrocarril ya plega en Abilene en Kansas, muito mas amán. Os treballadors d'a caravana deseyan marchar enta Abilene, pero Dunson los obliga a marchar enta Missouri, en un ambiente cada vez con mas tensión y con constants enfrontinamientos por ixe motivo.

A cinta s'ambienta en Texas en 1851 y en Texas, Oklahoma y Kansas (incluyindo-ie Abilene) en 1865. Las suyas escenas se filmoron en cuantas localidaz d'Arizona (incluyindo-ie Fairbank, Nogales y Tucson) en Estaus Unius y en Nogales en Sonora en Mexico.

Ye una cinta que ha recibiu bels premios y nominacions, entre los que se pueden destacar dos nominacions a los Premios Oscar en a suya 21^ena edición (Millor Montache y Millor Guión Adaptau).

Elenco

Actor	Papel	Notas
[[]]	'

Se veiga tamién

• Cine en 1948.
• Cintas de 1948.