Howard Hawks

De Biquipedia
Ir a la navegación Ir a la búsqueda
Howard Hawks
O director, guionista y productor estausunidense Howard Hawks, en una imachen de 1943.
O director, guionista y productor estausunidense Howard Hawks, en una imachen de 1943.
Información personal
Nombre real Howard Winchester Hawks
Calendata naiximiento: 30 de mayo de 1896
Puesto naiximiento: Flag of the United States.svg Goshen (Indiana, Estaus Unius)
Calendata muerte: 26 d'aviento de 1977
Puesto muerte: Flag of the United States.svg Palm Springs (California, Estaus Unius)
Ocupación: Director cinematografico, guionista y productor cinematografico
Conchuche: Athole Shearer (1928-1940)
Slim Keith (1941-1949)
Dee Hartford (1953-1959)

Howard Winchester Hawks, naixito de Goshen (Indiana) o 30 de mayo de 1896 y muerto en Palm Springs (California) o 26 d'aviento de 1977, estió un director cinematografico, guionista y productor cinematografico estausunidense, activo en o cine estausunidense dende primerías d'os anyos 1920, con quantos premios recibitos mientres a suya carrera cinematografica.

Dominó o zine d'azión y fué coronau como "director d'os rios" por a reiterada presenzia fluvial en os titulos d'os suyos wésterns más significativos. Hawks pertenecia a la chenerazión de narradores que edificó trango a trango y dende a pràctica cutiana d'os rodaches o complexo edifició d'o parlache d'o zine por medio d'o metodo laborioso y azaroso, pero a lo mesmo tiempo apasionán, de l'asayo y a error.[1]

En un momento en que o zine yera agún practicamén aprendendo a caminar, os suyos creyadors tenian dimpués de si mui poca esperenzia previa y, pro, no esistiban escuelas que se dedicasen a formar a los zineastas, chens como John Ford, Fritz Lang u Howard Hawks, buscaban dende a esperenzia forchada en o día a día d'os rodaches a base pa prebar cosetas nuevas cuasi en cada plano, u a lo menos siempre que se les ofrexeba a oportunidat d'enamplar as fronteras de recursos y aspirazions d'o nuevo meyo pa lo cual treballaban.[2]

Podriamos dezir que como muitos atros d'os suyos compañers más veteranos, Howard Hawks crexer como director con o propio zine, si bien en o suyo caso aportaba tamién a las zintas que rodó una intensisima ezperiencia previa de vida. Tal como ocurre con John Huston, Lang y atros mayestros, Hawks fué un d'ixos directors que habia viviu en muitos d'os ambiens y conflictos que luego retrató en os suyos largommetrajes.[3]

A esperenzia ye a mai d'a zenzia, u a lo menos asinas s'afirma, y sin duda istos mayestros veteranos plegaban a lo zine con un amplio paramento de vida que en muitos casos yera o propio d'una existenzia aventurera que iba a siñalar a suya manera de veyer o mundo y marcaria as eslezions morals y as esperenzias y conflictos a que se veyeban sozmetius os suyos personaches.[4]

Biografia[editar | modificar o codigo]

Antes d'encomenzar a suya trayectoria zinematografica, Howard Hawks eba destacau en o esporte, eba estau aviador y piloto de coches de corridas, y quizà lo más importán pa la suya manera d'amanar-se a los rodaches: eba estudiau incheniería.[5]

Naxiu en os Estaus Unius (Indiana) y feneixiu en California, Howard Hawks s'eba intresau por o zine dende a suya choventut, y antes de meter-se dezaga d'as cambras como director eba recorriu cuantos puestos que le estioron proporzionau a esperenzia nezesaria pa mover-se con solvenzia en o meyo.[6]

Os suyos chirmans más chicoz, Kenneth Hawks, naxiu 1898, y William B. Hawks, naxiu o 1901, tamién se dedicoron a lo zine. O primer como director y guionista y o segundo como productor.[7]

Fillo d'una adinerada familia (o suyo pai poseïa cuantos negozios y o suyo lolo materno yera un adinerau miembro d'a industria d'o papel en Wisconsin), Howard Winchester Hawks dentró a treballar en o estudio Famous Player en os años diez, momento clau d'a industria d'o zine, ya que yera chitando os alazez d'o que no tardaria muito iba a estar conoxiu como Hollywood. Una cantidat creixén de compañias zinematograficas s'establiban en ixe momento en California, tresladando as suyas unidaz de produzión y rodache dende Nueva York, que eba estau epizentro de l'agún imberbe negozio d'as zintas en una etapa que yera tocando a la suya fin.[8]

A primers d'o dezenio d'os vinte, Hawks començó treballando en muntache. como asistén de director, director de casting, script y productor. Dimpués d'escribir y endrezar cuantas comedias d'un rollo protagonizadas por Monty Banks, Hawks ganó bella reconoixenzia como guionista y más tarde como director en o estudio Fox a partir de 1926.[9]

A partir d'ixe momento, Howard Hawks estió un d'os pocos mayestros d'o zine estadounidense que conseguió mantener a suya independenzia en o sistema d'estudios d'Hollywood entre os suyos zincuanta años de profesión, sin que ixo le impedise treballar pa totas y cadaguna d'as majors, demostrando amás una brillante versatibilidad pa adaptar-se a tot tipo de propuestas y cheneros, sinpor ixo reblar terreno en os suyos intréses y claus esenzials que marcoron o suyo estilo.[10]

Maestro d'a senzillez[editar | modificar o codigo]

Hawks definió con a senzillez y concreación que yeran en él abituals o corazón d'o suyo zine con una sola frase: <A istoria d'un ombre resulta pro aburrida, pero a istoria d'una amistat ye bella cosa que te permite rodar as millors eszenas>.[11]

As tramas dominans d'o suyo millor zine serán siempre una consecuenzia d'ixe pensamiento. As suyas istorias protagonizadas por personaches sozmesos u que se ganan a vida enfrontinando-se a situazions periglosas que acaban forchando os estreitos lazos primer de compañerismo y luego d'amistat que van a marcar as suyas vidas, mesmo cuan de partida puedan estar enfrontinaus. John Carpenter, declarau admirador d'Hawks, rendirá omenache a iste plantiamiento en cualques d'as suyas zintas más significativas, como 'Assault on Precinct 13, pero tamién en The Thing, con ixe momento final d'os dos sobrevivién que dixa en l'aire cuál d'os dos puede estar o mostro...[12]

Estilisticamén, Hawks sirvió a ixa idea recurrén en a suya filmografia con un estilo visual descrito como invisible, en o cual dominaba l'atra idea que siempre richió o suyo zine, y que él mesmo esplicó con unatra frase viva y contundén <Trato de contar as mías istorias esautamén como as veria o espectador si estase allí, d'a forma más simpla, colocando a cambra a l'altura d'os uellos>.[13]

Hawks legó a lo zine titols imprecindibles que contribuyioron a forchar as caracteristicas de toz os cheneros espezialmén en o western con o ziclo d'os rios, iniziau con Ret River (1948), an le amostró a John Ford que John Wayne podia estar un actor amás d'una estrela, y superó o reto de fer chocar dos estilos contraponius como lo de Wayne y Montgomery Clift. The Big Sky (1952), una d'as millors muestras de cruze d'o wéstern con o chenero d'aventuras y explorazión d'un gran Kirk Douglas. Río Bravo (1959), cual formula argumental rezicló luego en O Dorau (1967) y Rido Lupo (1970). Totas contribuyioron a definir a evoluzión ta la madurez d'o wéstern en paralelo con a obra de John Ford, pero abordando epica y mito de forma más festiva y relaxada. Vala pa las comparanzas o momento de redenzión d'o capino interpretau por Dean Martin en a tabierna de Rio Bravo.[14]

Filmografia bàsica[editar | modificar o codigo]

D'entre a suya filmografía, cal destacar bellas cintas, como The Dawn Patrol (1930, con Richard Barthelmess, Douglas Fairbanks, Jr y Neil Hamilton), Scarface (1932, con Paul Muni, George Raft, Ann Dvorak, Karen Morley y Boris Karloff), Barbary Coast (1935, con Miriam Hopkins y Edward G. Robinson), Sergeant York (1941, con Gary Cooper y Walter Brennan), To Have and Have Not (1944, con Humphrey Bogart, Walter Brennan, Lauren Bacall, Dolores Moran y Hoagy Carmichael), Red River (1948, con John Wayne, Montgomery Clift y Walter Brennan), Gentlemen Prefer Blondes (1953, con Marilyn Monroe, Jane Russell y Charles Coburn), Rio Bravo (1959, con John Wayne, Dean Martin y Angie Dickinson), El Dorado (1967, con John Wayne, Robert Mitchum, James Caan, Charlene Holt y Paul Fix), u Rio Lobo (1970, con John Wayne, Jorge Rivero, Jennifer O'Neill, Jack Elam y Christopher Mitchum).

Vinclos externos[editar | modificar o codigo]

  1. {I}Revista de cinema ACCIÖN d'o mes de juny de 2020, testo Miguel Juan Payán (ISSN: 2172-0517)
  2. {II}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  3. {III}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  4. {IV}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  5. {V}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  6. {VI}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  7. {VII}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  8. {VIII}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  9. {IX}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  10. {X}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  11. {XI}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  12. {XII}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  13. {XIII}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)
  14. {XIV}Revista de cinema ACCIÖN d'o mes de juny de 2020 testo Miguel Juan Payán (ISSN: 2172-0517)