Provincia eclesiastica de Zaragoza

Provincia eclesiastica de Zaragoza
Provincia eclesiastica d'a Ilesia Catolica
Entidat  • País  • Conferencia episcopal	Provincia eclesiastica Aragón Conferencia Episcopal Espanyola
Capital	Zaragoza
Subdivisions	5 Diocesis: Balbastro-Monzón, Tarazona, Teruel y Albarracín, Uesca y Zaragoza
Gubierno  • Arcebispe metropolitano	Carlos Manuel Escribano Subías (2020- )
Mapa d'a provincia eclesiastica de Zaragoza, en color grisa fosca.

A provincia eclesiastica de Zaragoza ye una provincia eclesiastica d'a Ilesia Catolica formada por una archidiocesi metropolitana, l'archidiocesi de Zaragoza, y cuatre diocesis sufraganias, as diocesis de Balbastro-Monzón, Tarazona, Teruel y Albarracín y Uesca.

A provincia eclesiastica de Zaragoza muga a lo norte con Francia y con a diocesi de Chaca perteneixent a la provincia eclesiastica de Pamplona y Tudela; a l'este con as diocesis d'Urchel y Leida en a provincia eclesiastica de Tarragona y con a diocesi de diocesi de Segorb-Castellón en a provincia eclesiastica de Valencia; a lo sud con as diocesis de Cuenca y Sigüenza-Guadalachara en a provincia eclesiastica de Toledo; y a l'ueste con a diocesi d'Osma-Soria en a provincia eclesiastica de Burgos y con l'archidiocesi de Pamplona y Tudela en a provincia eclesiastica de Pamplona y Tudela.

Historia

Restaurada en 1118 con a reconquiesta d'a ciudat de Zaragoza por o rei Alifonso I d'Aragón, a diocesi de Zaragoza se convertió en archidiocesi o 18 de chulio de 1318 con o bispe y dimpués arcebispe Pero López de Luna, qui consiguió que lo Papa Chuan XXII deseparase la diocesi de l'archidiocesi de Tarragpna a la que dica l'inte perteneixeba y la puyase en a categoría d'archidiocesi. En ixe momento pasoron a pender de l'archidiocesi as diocesis de Uesca, Tarazona, Segorb-Albarracín, Pamplona y Calagorra.

Cuan en 1574 se creyó l'archidiocesi de Burgos (que dica ixe momento no yera so que una diocesi) y la provincia eclesiastica de Zaragoza perdió las diocesis de Calagorra y Pamplona, que s'adhibioron a Burgos. D'atra man, en 1571 se creyoron as diocesis de Chaca y Monzón y en 1577 la diocesi de Teruel, a la vegada que la diocesi de Segorb-Albarracín se deseparaba en dos: a Segorb que pasó a pender d'a provincia eclesiastica de Valencia y la diocesi d'Albarracín (que tiempos dimpués s'adhibió a la de Teruel).

En o sieglo XIX se restauró l'archidiocesi de Pamplona y d'a suya provincia eclesiastica (provincia eclesiastica de Pamplona) pasoron a pender as diocesis de Tudela y Chaca.

Un cambio important s'escaició en os anyos 1990, cuan cuantas parroquias d'a diocesi de Leida se deseparoron d'ista, adhibindo-se a la diocesi de Balbastro-Monzón.

Seus d'a provincia eclesiastica de Zaragoza

As seus d'a provincia eclesiastica de Zaragoza son as siguients:

Seu	Advocación	Ciudat	Diocesi
Seu d'o Salvador de Zaragoza	O Salvador	Zaragoza	Archidiocesi de Zaragoza
Seu d'o Salvador d'Albarracín	O Salvador	Albarracín	Diocesi de Teruel y Albarracín
Seu de Santa María de l'Asumpción de Balbastro	Asumpción de Nuestra Sinyora	Balbastro	Diocesi de Balbastro-Monzón
Seu de Santa María d'o Romeral de Monzón	Santa María d'o Romeral	Monzón	Diocesi de Balbastro-Monzón
Seu de Nuestra Sinyora d'a Huerta de Tarazona	Nuestra Sinyora d'a Huerta	Tarazona	Diocesi de Tarazona
Seu de Santa María de Teruel	Santa María	Teruel	Diocesi de Teruel y Albarracín
Seu de Santa María de Uesca	Santa María	Uesca	Diocesi de Uesca
Basilica de Nuestra Sinyora d'o Pilar de Zaragoza	Nuestra Sinyora d'o Pilar	Zaragoza	Archidiocesi de Zaragoza (títol honorifico)

Se veiga tamién

• Lista de bispes y arcebispes de Zaragoza.
• Lista de bispes d'Albarracín.
• Lista de bispes de Balbastro-Monzón.
• Lista de bispes de Chaca.
• Lista de bispes de Tarazona.
• Lista de bispes de Teruel.
• Lista de bispes de Teruel y Albarracín.
• Lista de bispes de Uesca.

Vinclos externos

• Se veigan as imáchens de Commons sobre a provincia eclesiastica de Zaragoza.

• Datos: Q6088734
• Multimedia: Roman Catholic Ecclesiastical Province of Zaragoza / Q6088734