Piranya

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Piranya
Clasificación cientifica
Eukaryota
Animalia
Chordata
Actinopterygii
Characiformes
Serrasalmidae

As piranyas son un grupo de peixes omnivoros d'augua dulza endemica d'os ríos de Sudamerica. Lo taxón d'as piranyas abarca unas setanta especies distribuyidas en cinco cheneros diferents. De normal miden entre 15 y 25 cm de longaria, manimenos s'han trobau individuos que superoron os 40 cm de longaria. Son conoixius per os suyos dients esmolaus y per a suya voracidat.

Totas as piranyas tienen una sola ringlera de dients esmolaus en toz dos maxilars. Os dients esmolaus permiten tallar y foratan a las suyas presas a escape.

As piranyas poseyen una d'as mosegadas mas fuertes d'os peixes osios, destacando a piranya negra. Ye a resultas d'os grans musclos maxilars, que plegan dica la punta d'a variella, dando una avantalla mecanica en l'inte de mosegar. Vive y ataca con a suya bandada: cuan una piranya mosiega, retacula pa dar paso a unatra sistematicament.

Encara que una buena parti d'a suya dieta ye carnucera, tamién ye un peix depredador, rapido y voraz, que ataca a tota hora que se sienten estimulaus, habendo cualques especies que son canibals. Os ataques a sers humans no son comuns, os casos reportaus han estau sobretot debius per dentrar en l'augua tenendo una ferida ubierta, nadar amán d'un aria de reproducción u causar corrients d'augua inasperadas, per eixemplo en capuzar-se.

As piranyas que viven en os ríos de tota Sudamerica. Os ríos con mayor concentración de piranyas son l'Amazonas y l'Orinoco.[1]

A piranya se consume en diferents puestos de Brasil, como lo Pantanal, an se preparan as sopas de piranya y tamién se puede aprestar en esparrillas. En cualques pueblos indichenas de l'Amazonia, manimenos, o consumo d'a piranya ye considerau un tabú.

Etimolochía[editar | modificar o codigo]

Piranya promana d'a palabra portuguesa piranha.[2] Ista palabra estió adaptada d'as luengas indichenas que poblaban Brasil mientres a suya colonización. S'han trobau dos explicacions posibles etimolochicas d'orichen tupi:

  • chunta d'as palabras pirá (peix) y aia (dients)[3]
  • chunta d'as palabras pira (pelleta) y raim (tallar).[4]

I hai unatra alternativa, d'orichen guaraní, que significaría peix d'o diaple.

Cheneros y especies[editar | modificar o codigo]

  • Pygocentrus nattereri ternetzi

Referencias[editar | modificar o codigo]

  1. (es) Germain, Marie Sophie. Las pirañas. De Vecchi, 17/11/2017. ISBN 978-1646990917.
  2. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  3. (pt) Cunha, Antônio Geraldo da. Dicionário etimológico da língua portuguesa. LEXIKON Editora, 22/03/2019, p. 498. ISBN 978-85-86368-89-9.
  4. (pt) Ferreira, Aurélio Buarque de Holanda. Novo dicionário Aurélio da língua portuguesa : [conforme a nova ortografia]. 4. ed., atualizada e rev. Curitiba: Editora Positivo, 2009. ISBN 978-85-385-2825-8.
  5. Piranya en Encyclopaedia Britannica
  6. Atlas Dr. Pez, Pygocentrus cariba
  7. El alquimista de los acuarios, Pygocentrus nattereri
  8. Atlas Dr. Pez, Pygocentrus nattereri
  9. 9,0 9,1 9,2 Secretaría de Minería de la Nación (Argentina), Peces del Noreste Argentino - Clasificación Sistemática de Especies - Tabla Nº 4.2.3.5.2
  10. Atlas Dr. Pez, Pygocentrus piraya
  11. Barrameda.com.ar, Peces del Paraná - Palometas y pirañas
  12. FishBase, Nombre común de Serrasalmus compressus
  13. FishBase, Nombre común de Serrasalmus elongatus
  14. Aquatica Aquarium, Guía de peces por nombre común - P