Persas

Persas فارس
Familia persa
Población total
76 a 80 millons (estim.)
Rechions con comunidatz importants
Irán 37.800.000-48.200.000
Afganistán 17.000.000 Tachiquistán 5.849.331 Uzbekistán 1.400.000 Pakistán 1.377.000 Aragón 44
Idiomas
Persa
Relichión
Musulmana
Mapa
Distribución d'os persas

Os persas, persan(o)s u persian(o)s (en persa فارس) estioron orichinalment un pueblo iranio establiu en a rechión de Fars, pero dimpués d'o periodL'aquemenida asimiloron a atros pueblos de luenga irania y actualment son os habitants d'o centro y este d'Irán, país a on representarían entre un 40 y un 70 % d'a población. Dende un punto de vista más amplo bell grupo etnico d'Afganistán u d'Asia Central como os tachicos tamién serían persans u n'estioron historicament. Os persas parlan l'idioma persa y en Irán son mayoritariament xiitas. O modo de vida tradicional ye tanto agricola sedentario como o pastoreyo nomada.

Luenga

Ta más detalles, veyer l'articlo idioma persaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A luenga persa, en as diferents fases historicas ha estau un vehiclo de transmisión de muitas brancas d'a cultura, tenendo una important literatura.

Relichión

Os primers persas teneban una relichión politeísta indoeuropea pareixida a lo vedismo. Zoroastres reformó a relichión tradicional creyando o zoroastrismo.

A invasión d'os musulmans arabes en a Edat Meya suposó a imposición d'a relichión musulmana, quedando minorías muito redueitas de zoroastristas, beluns d'os quals emigroron a la India (os parsis). Dende l'periodo safavida s'imposó a forma xiita d'a relichión musulmana.

En os zaguers sieglos amaneixió una relichión sincretica dita Fe Bahaí, perseguida por o rechimen integrista que encomenzó con l'ayatolá Khomeini.

Historia

Os primers persans yeran un pueblo indoeuropeu establiu en Fars, a on habrían arribau en una fase de migracions indoeuropeas que habrían traito tamién a los medos más a lo noreste. Os persans conoixioron un periodo de dominación meda en tiempos de Ciaxares. Este periodo remató con Ciro o Gran, que dende Fars conquirió Media creyando l'Imperio Aquemenida.

O Imperio Aquemenida estió un d'os gran imperios de l'Antiguedat, y fue desfeito por o rei de Macedonia Aleixandre lo Gran. A la muerte d'Aleixandre lo Gran os persans yeran sozmesos a diferents estaus helenisticos.

Entre a población d'orichen en part scita de Parthia amaneixió a dinastía d'os arsacidas, que creyoron l'Imperio Parto, rival de l'Imperio Román en o dominio d'Orient Meyo.

O Imperio Parto fue succediu por l'Imperio Sasanida. A fin de l'Imperio Sasanida estió a invasión d'os arabes musulmans, que aproveitoron una situación d'agotamiento militar dimpués que os sasanidas fuesen derrotaus por l'Imperio Bizantín en tiempos d'Heraclio.

En a Edat Meya musulmana os persans canalizoron os suyos deseyos d'independencia refirmando a los abbasís, que creyoron o Califato Abbasí con unos modelos organizativos basaus en os modelos sasanidas.

Los abbasís fuoron perdendo o control de muitos territorios habitaus por persans, a lo tiempo que os pueblos turquicos iban prenendo o control d'a situación. Os turquemans creyoron o Soldanato Selchuquí.

En a Edat Meya o principal cambio se produció con a invasión mongola, con grants destruccions y mortaleras. O modo de vida agricola sedentario de muitos persans quasi desapareixió, no fendo-lo o modo de vida d'os pastors transuants o nomadas. Muitas ciudatz quedoron despobladas. A la invasión mongola siguió a creyación d'o Ilkhanato, con una clase dirichent mongola, y con poca duración.

Dimpués d'a Edat Meya en a historia d'os persans tenió gran influencia a dinastía Safavida, que imposó a forma xiita d'o Islam.

Veyer tamién

• Irán.
• Imperio Aquemenida.
• Imperio Parto.
• Imperio Sasanida.
• Safavidas.