Solanum tuberosum
- Iste articlo ye sobre un tuberclo. No entivocar-se con chenero de fongos "Tuber", tamién ditos trufas
| Solanum tuberosum | |
|---|---|
 | |
| Denominacions populars | |
trunfera / trufera, patatera | |
| Clasificación cientifica | |
| Eukaryota | |
| Plantae | |
| Tracheobionta | |
| Magnoliophyta | |
| Magnoliopsida | |
| Asteridae | |
| Solanales | |
| Solanaceae | |
| Solanum | |
| S. tuberosum | |
| Descripción | |
Solanum tuberosum L., | |
A trunfera[1][nota 1] u patatera[1] (nombre cientifico Solanum tuberosum) ye una especie herbacia perteneciente a o chenero Solanum d'a familia d'as solanacias d'orichen andino. O suyo tuberclo, a trunfa[1][2][nota 2] u patata[1], ye minchable y ha estato la base en l'alimentación de muitos pueblos dende la troballa d'America y ye tamién hue lo día l'ingredient principal de muitos platos. Iste tuberclo se cautivaba en Perú dende o milenio VIII aC y fue levato a Europa por os espanyols en 1554.
Etimolochía
[editar | modificar o codigo]As trunfas se clamaban papas en a zona andina a on los espanyols troboron que las se minchaban los indichenas. En castellano se deciba primero papa, pero en castellano d'a Peninsula Iberica se cambió por patata, palabra derivada de l'anglés potato. O canario y lo castellano d'America encara conservan, por tanto, la palabra amerindia orichinal.
En bella zona de l'Alto Aragón se'n diz patacas, que reconoixemos como un derivau de l'anglés potato a traviés d'o castellano patata, cambiando lo sufixo. En bella zona pirenencas aragonesofablants u catalanofablants se clamó a las patacas con una palabra derivada d'o latín Tuber, que debeba fer referencia u a tuberclos d'o país u a fongos subterranios.
En bella zona como a Val de Chistau s'emplega patata como termin cheneral y trunfa pa la variedat tradicional d'a val, mes chicota. En o Viello Sobrarbe se replega trunfa como termin cheneral pero ya anticuau, y se'n conoixe la variant de trunfa chiretuda.
En castellano d'Aragón tamién ye conoixiu l'uso de derivaus de Tuber, José Pardo Sastrón testimonia turmas u trubas en Torrociella d'Alcanyiz pa una especie de composadas que fa tuberclos, Helianthus tuberosus debant d'a denominación tradicional de Solanum tuberosum de patacas.
Notas
[editar | modificar o codigo]Referencias
[editar | modificar o codigo]- 1 2 3 4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (an) Silbia Garcés Lardiés, Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.50
Vinclos externos
[editar | modificar o codigo]
| Control d'autoridaz |
|
|---|
Datos: Q10998
Multimedia: Solanum tuberosum / Q10998
Especies: Solanum tuberosum