Ir al contenido

Auturía

De Biquipedia
(Reendrezau dende Oturía)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Auturía
Nieu en Auturía dende Samianigo
Nieu en Auturía dende Samianigo.
Situación
Situación Muga entre Biescas y Yebra de Basa (Uesca)
Latitut
Lonchitut
Vértiz cheodesico 17772
Cheografía
Cordelera Depresión meya intrapirenenca
Sierra
Macizo
Altaria 1.920 m
Primera puyada
Ruta mas fácil
Mapa

L'Auturía u Oturía[1] ye una cima prepirenenca aragonesa situata entre o Sarrablo (Val Estrecha y val de Basa) y Sobrepuerto, en a comarca de l'Alto Galligo, entre os municipios de Biescas y Yebra de Basa. A suya altaria ye de 1.920 metros sobre o livel d'a mar, y fa part d'un cabalgamiento de materials d'o "Grupo Echo" (flysch eoceno) sobre os almendrons oligocenos.[2] En a suya cima se troba un vértiz cheodesico.

A los suyos piez se troban as localidaz de Samianigo, Yebra, Latas, Larrede y Xabierre-Cuarnas, pero ye conoixita en a comarca sobretot porque baixo ista montanya se troba a ermita de Santa Orosia, patrona d'istas tierras, por ixa razón gosa apareixer en as pastoratas de Yebra:

¡Cuando en a ermita d'o Zoque,
con Orosia de testigo,
y Auturía frente a frente,
todas as banderas se besan,
y en as chents d'ista Montanya
as que de verdat s'abrazan!
[...]
¡Dende a mallata Auturía,
vide a escape amanecer
muitas ringleras de chent
que enta iste Puerto subiban!

pastorata de Yebra 2000[3]

Toz os anyos se fa una cursa, a "Puyata a l'Auturía", que remata en ista tuca y que fa parti d'a Copa d'Espanya de cursas de montanya.[4]

Referencias[editar | modificar o codigo]

Vinclos externos[editar | modificar o codigo]