Grupo Echo

De Biquipedia
Ir a la navegación Ir a la búsqueda

Lo Grupo Echo ye una unidat litostratigrafica formada por flysch y distribuida entre las sierras prepirenencas interiors y la depresión meya intrapirenenca dende Navarra dica lo río Yaga. Sedimentó en l'Eoceno meyo, con potencias que plegan dica los 4.000 m, y fue deformada por la fase Pirenenca, presentando una verchencia enta lo sud.[1]

En las vals d'Ansó, Echo y Aragüés bi ha intercalacions de calsineras brechificadas con Nummulites que sedimentoron en plataformas continentals y que s'interpreta que podioron eslizar-sen dica lo puesto on sedimentoron las turbiditas que esdevinioron lo flysh, representando un eixemplo d'olistolito.[1]

Las arenitas de Sinués, Fiscal y de lo Pueyo d'Araguás d'este grupo litostratigrafico son d'edat luteciana y s'han espleitau como piedra de cantería.[2]

Referencias[editar | editar código]

  1. 1,0 1,1 (es) en la Gran Enciclopedia Aragonesa online, consultada lo 2 d'abril de 2012
  2. (es) Josept Gisbert, O. Buj y B.Franco. Caracterización petrofísica de areniscas del Eoceno Medio - Superior del Pirineo Occidental. Geogaceta, ISSN 0213-683X, Nº. 38, 2005 , págs. 239-242