Onomatopeya

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

As onomatopeyas son ampliament emplegadas en cómics.

Una onomatopeya ye lo proceso de creyar una palabra que foneticament imita, se pareix u suchiere lo soniu que describe. Tal palabra en ella mesma tamién se diz onomatopeya.

Encara que un soniu en particular ye escuitau de traza semellant per personas de diferents culturas, a ormino s'expresa per meyo de l'emplego de diferents cadenas de consonants en diferents idiomas.

Onomatopeya proviene d'o latín onomatopoeia, y ista d'a palabra griega componida ὀνοματοποιία que significa 'fer u creyar nombres'.

Qualques eixemplos

Sonius d'animals

• Can: guau guau, nyap nyap, llau llau.
• Cotorniz: cualcairá, guai guarat.
• Cuervo: gua-gua.
• Gallo: quiquiriquí, cocoricó.
• Grilla: gri gri.
• Muchuelo: mius mius.

Sonius d'obchectos

• Campana: dilín-dilán, din-dan, din-don (muerte).
• Esquillas: tolón tolón, tilín tilín.
• Tronzador: rico-raco.
• Trucador: trus trus.
• Zuecos: carric carrac.

Bibliografía

• (an) Rafel Vidaller (2001) "Onomatopeyas y atros sonius en aragonés", en Estudios y rechiras arredol d'a luenga aragonesa y a suya literatura. Autas d'a II Trobada (Uesca, 18-20 de noviembre de 1999) pp. 231–244. Instituto de Estudios Altoaragoneses - Publicazions d'o Consello d'a Fabla Aragonesa.