Museu d'Historia d'a Ciudat de Barcelona
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Museu d'Historia d'a Ciudat de Barcelona | |
|---|---|
 Seu d'o MHCB en a Plaça del Rei
| |
| Situación | |
| Coordenatas | {{{Coordenadas}}} |
| País |  Catalunya
|
| Ciudat | Barcelona |
| Información cheneral | |
| Tipo | {{{Tipo}}} |
| Director | Jordi Roca |
| Construcción | |
| Debantadera | 14 d'abril de 1943 |
| Superficie | |
| Horario | |
| Vesitants | 479.650 |
| Adreza | |
| Telefono | |
| Pachina web | www.museuhistoria.bcn.cat |
O Museu d'Historia d'a Ciudat de Barcelona (en catalán y oficialment Museu d'Història de la Ciutat de Barcelona, a vegatas tamién conoixito por as suyas siglas MHCB) ye un museu que agrupa una serie d'equipamientos singulars en a historia d'a ciudat de Barcelona. Fue inaugurato o 14 d'abril de l'anyo 1943, con seu en a plaza d'o Rei, en o centro d'o barrio Gotico, gracias a la empenta d'o suyo primer director, o historiador Agustí Duran i Sanpere.
Historia[editar | modificar o codigo]
L'antigo palacio Clariana Padellàs d'o sieglo XV/XVI, fue tresladato en l'anyo 1931, piedra a piedra, dende a carrera Mercaders, d'estilo gotico catalán con influencia renaixentista en os suyos ornamentos, que se trobaba afectato por as obras d'apertura d'a Via Laietana, reconstruindo-lo chunto a os edificios medievals d'a Capiella de Santa Agata y o Palacio Reyal Mayor (Saló del Tinell), os cuals tamién s'anyadioron fendo parti d'o museu. Mientres o treslato y debito a las excavacions ta fer os fundamentos, se i trobó parti d'a ciudat romana, l'antiga Colonia Iulia Augusta Faventia Paterna Barcino.
L'anyo 1999 se fació una reorganización d'a estructura d'o museu que remató con a creyación d'un sistema d'equipamientos ligatos y chestionatos unitariament, con lo que s'anyadiba a l'antiga seu d'a Plaza Reyal una serie de puntos que permitiban trestallar o conchunto museistico por diferents puestos d'a ciudat protagonistas d'os feitos historicos explicatos en cada un d'os diferents espacios.
Seus[editar | modificar o codigo]
O Museu conta con siet equipamientos, cadagún d'os cuals recorre un periodo historico relacionato con él mesmo.
- Conchunto Monumental d'a plaza d'o Rei
- Museu d'o Monesterio de Pedralbes
- Centro d'Interpretación d'o Parque Güell
- Museu-Casa Verdaguer
- Espacio Santa Caterina
- Refuchio antiaerio 307
- Centro d'Interpretación d'o Call
Colección[editar | modificar o codigo]
Se construyó un teito de formigón de 4.000 metros cuadratos, fendo posible a vesita baixo tierra de l'antiga ciudat romana, podendo-se veyer enta a plaza d'o Rei a base d'as construccions d'o sieglo I aC como as restas d'un barrio de tallers con tintorería, instalación vinicola etc., y en un ran superior, d'os sieglos VI y VII a necropoli visigotica.
Baixo o Salón d'o Tinell se pueden veyer expuestas as esculturas romanas que s'han trobato, como un torso de Diana, retratos d'Antonín Piu y Faustina Mayor en marbre y o chicot bronce d'a Venus de Barcelona.
Seguindo por as vueltas romanicas d'o soterranyo s'une o recorrito con as excavacions paleocristianas d'a primitiva seu con bases de columnas de marbre blanco, o baptisterio y restas d'una ilesia d'o sieglo VI.
En a casa Padellàs de dos plantas, se conservan obchectos y documentos d'os antigos gremios medievals que existiban en a ciudat. O libro d'o Comentari als Usatges de Catalunya de Jaume Marquilles de l'anyo 1440 y ilustrato por Bernat Martorell. Pinturas de Francesc Soler Rovirosa y de Ramon Martí Alsina representando como yera o Palacio Reyal Menor.
En o piso superior se troban obchectos d'a estada en a ciudat de Carlos I, y d'a vida catalana y d'os suyos costumbres dende o sieglo XVI dica os nuestros días.
En a capiella de Santa Agata, construita en o sieglo XIV, se puet veyer o teito de fusta policromata obra d'Alfonso de Cordoba con a divisa de Pero de Portugal y o retablo de Jaume Huguet (1465) que o condestable encargó a l'artista ta a suya colocación en o mesmo puesto a on que se troba en l'actualidat.
O retablo presenta en os suyos cuerpos laterals l'Anunciación y a Natividat, a Resurrección y l'Ascensión, a Pentecosta y l'Asumpción d'a Virchen y en a parti central l'Adoración d'os Magos.
En pasando enta o Salón d'o Tinell s'ha reconstruito una antecambra a on que s'han colocato os frescos de pintura gotica que estioron en o Tinell dica alto u baixo l'any 1300, a on que yeran representatas en a parti baixa, a caballería seguita d'o estendarte de Sant Chorche y en a parti alta a infantería aragonesa presidita por o sinyal reyal.
A cambra Mayor u Salón d'o Tinell, ye a on que se realizan exposicions temporals continas, fue construita en l'anyo 1370 por o rei Pero o Ceremonioso d'estilo gotico con seis arcos de meyo punto que descansan sobre columnas con capitels.
Vinclos externos[editar | modificar o codigo]
- (ca)/(es) Web d'o museu.
- (ca)/(es) Historia d'o Museu.
Bibliografía[editar | modificar o codigo]
- Cirici, Alexandre: Museus d'Art Catalans. 1982, Barcelona, Ed. Destino ISBN 84-233-1225-9
- Volum 14 (2004), La Gran Enciclopèdia en català, Barccelona, Edicions 62. ISBN 84-297-5442-3