Republica Romana
| Republica Romana Res Publica Romana | ||||
| ||||
| ||||
| Lema nacional: Senatus Populusque Romanus | ||||
 | ||||
| Capital | Roma | |||
| Idioma oficial | Latín | |||
| Relichión | Politeísmo román | |||
| Gubierno | Republica | |||
| Moneda | As, sestercio, denario, aurio. | |||
La Republica Romana (Res Publica Romana) ye la fase de la civilización de l'antiga Roma que encomienza en l'anyo 509 aC. quan l'aristocracia patricia derrocó a lo zaguer rei etrusco de Roma Tarquín lo Soberbio y remata oficialment en l'anyo 27 quan Octavián recibe lo títol d'Augusto.
La parola « republica » vien de lo latín RES PUBLICA, que significa « la cosa publica ». Gubernar la ciudat ye doncas un afer publico y colectivo. Lo lema de la Republica ye Senatus Populusque Romanus (SPQR), « lo Senau y lo pueblo román ». Ixo simboliza la unión de lo Senau román, a on s'asientan las familias patricias, y de totz los ciudadans romans. En efecto, los romans son dividius a lo principio en dos grupos, los patricios y los prebeyos. Estos zaguers forman la masa de los artisans y la chent de la tierra. Los patricios son a sobén propietarios de grans dominios cautivaus y perteneixen a familias celebres las GENTES. Cada GENS tien los suyos propios cultos a los antipasaus y las suyas tradicions. Una GENS comprende un numero més o menos gran de clients qui li deben obediencia a lur « patrón » y reciben a cambio ayuda y asistencia en caso de necesidat.